| e-texts navigator |
| Wylie |
217b1 སྟེ། སྲིད་པ་གསུམ་དུ་ནུབ་པ་མེད་ཅིང་དར་ཞིང་རྒྱས་པ་དེ་བཞིན་དུ་བྱང་ཆུབ་སེམས་དཔའ་མི་ནུབ་པའི་རྒྱལ་མཚན། མི་འགྱུར་བའི་གཡུང་དྲུང་། མ་བསླད་པའི་ཡེ་ཤེས། རྒྱུན་གྱིས་རྟག་པའི་ཤེས་རབ། མཚོན་པ
217b2 མེད་པ་མྱ་ངན་ལས་འདས་སོ།། རིགས་ཀྱི་བུ་ཆོས་ཉིད་རྡོ་རྗེ་རྒྱ་གྲམ་ནི་བཀོད་ལེགས། ཆོས་སྐུ་རྡོ་རྗེ་རྩེ་མོ་ནི་བརྩེགས་ལེགས། ཐིག་ལེ་མི་འགྱུར་བའི་རྒྱལ་མཚན་ནི་དཔངས་མཐོ། ཐུགས་རྗེ་སྤྲིན་གྱི་ཆར་ཁེབས་ནི
217b3 ཁོད་སྙོམས། ཏིང་ངེ་འཛིན་མི་གཡོ་བའི་དར་འཕྱང་ནི་མཉེན་འཁྱིལ། ཡེ་ཤེས་ཆེན་པོ་བཞིའི་མེ་ལོང་ནི་འོད་གསལ། ཚངས་པའི་སྒྲ་སྐད་ཕུན་སུམ་ཚོགས་པའི་དྲིལ་བུ་ནི་དབྱངས་སྙན། ཟག་པ་མེད་པའི་ཆོས་ཀྱི
217b4 འཁོར་ལོ་ནི་བསྐོར་མཁས། བྱང་ཆུབ་ཀྱི་སྲོག་ཤིང་ནི་འགྱུར་བ་མེད། ཞི་གནས་ལྷག་མཐོང་གི་བྲེ་ཕུལ་ནི་བརྩེགས་ལེགས། སངས་རྒྱས་ཀྱི་མཛད་སྤྱོད་ནི་ཚུལ་ཤེས། སངས་རྒྱས་ཀྱིས་ཆེ་བའི་ཡོན་ཏན་ནི་དཔག་ཏུ
217b5 མེད་པའི་རབ་གནས་ཀྱི་མདའ་ཕུལ་ཏེ། དམ་པའི་ཆོས་མཐའ་ནས་རྒྱས་པ་ནི་རང་བྱུང་ལྷུན་རྫོགས་ཀྱི་དགོངས་པའོ།། ཞེས་བྱང་ཆུབ་ཀྱི་སེམས་རྒྱལ་མཚན་གྱི་རྩེ་མོའི་རྒྱུད་ལས། ཆོས་ཐམས་ཅད་མི་མཉམ་པ་དང
217b6 མཉམ་པར་བསྟན་པའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་རྡོ་རྗེ་འཆང་།། ཐུགས་རྗེ་མགོན་པོ་འོད་དཔག་མེད།། ང་ལ་དང་པོ་རྒྱུ་མེད་པས།། ཐ་མ་རྐྱེན་གྱིས་བཤིག་ཏུ་མེད།། ང་ལ་བསྒྲུབ་པའི་ཆོས
iiif viewer powered by OpenSeadragon
