| e-texts navigator |
| Wylie |
217a1 པོ་རྡོ་རྗེ་ལྟ་བུ་འགྱུར་བ་མེད་པའོ།། ཞེས་བྱང་ཆུབ་ཀྱི་སེམས་རྒྱལ་མཚན་གྱི་རྩེ་མོའི་རྒུད་ལས། དང་པོའི་བྱང་ཚུལ་བསྟན་པ་དང་། རང་གི་འདུག་ཚུལ་བསྟན་པའི་ལེའུ་སྟེ་དང་པོའོ།། །། དེ་ནས
217a2 བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་མི་མཉམ་པ་དང་མཉམ་པར་བསྟན་པའི་ཏིང་ངེ་འཛིན་ལས་བཞེངས་ཏེ། ཀྱེ་གསང་བའི་བདག་པོ་ལག་ན་རྡོ་རྗེ། ཆོས་ཆེན་པོ་གསང་བ་རྨད་དུ་བྱུང་བ
217a3 འདི་ནི་སྟོབས་མི་མཉམ་མོ།། རྫུ་འཕྲུལ་མི་མཉམ་མོ།། ཐུགས་རྗེའི་བྱེ་བྲག་མི་མཉམ་མོ།། བཞུགས་པའི་ཀློང་མི་མཉམ་མོ།། ལག་ན་རྡོ་རྗེ་ལེགས་པར་ཡིད་ལ་ཟུང་ཞིག། དེ་ལྟར་ཡིན་ཏེ་དེ་ལྟར་མ་ཡིན
217a4 ནོ།། ཆོས་ཐམས་ཅད་ཀྱི་དེ་བཞིན་ཉིད་མཉམ་མོ།། ཅི་སྟེ་གཞི་རང་གི་ངོ་བོ་གཅིག་པའི་ཕྱིར་རོ།། རྩལ་མཉམ་མོ།། ཅི་སྟེ་བྱེད་པ་ཐ་དད་མེད་པའི་ཕྱིར་རོ།། ཐུགས་རྗེ་མཉམ་མོ།། ཅི་སྟེ་ཡེ་ཤེས་ལྔ་མི་འགག་པའི་ཕྱིར
217a5 བཞུགས་པའི་ཀློང་མཉམ་མོ།། ཅི་སྟེ་ཆོས་ཉིད་ཐ་དད་མེད་པའི་ཕྱིར་རོ།། དེའི་ཕྱིར་ངའི་ཤེས་རབ་ཟབ་མོ་ནི། རྒྱལ་མཚན་གྱི་རྩེ་མོ་དང་འདྲ་སྟེ་ནུབ་པ་མེད་དོ།། ནོར་བུ་རིན་པོ་ཆེ་དང་འདྲ་སྟེ་ཟད་མི་ཤེས
217a6 སོ།། ནམ་མཁའ་དང་འདྲ་སྟེ་མཐར་ཐུག་པ་མེད་དོ།། རི་བོ་དང་འདྲ་སྟེ་འགྱུར་བ་མེད་དོ།། པདྨ་དང་འདྲ་སྟེ་སྐྱོན་མེད་དོ།། ས་གཞི་དང་འདྲ་སྟེ་ཐམས་ཅད་འབྱུང་ངོ་།། ཤིང་གི་རྒྱལ་པོ་ཡངས་འདུས་བརྟོལ་དང་འདྲ
iiif viewer powered by OpenSeadragon
