| e-texts navigator |
| Wylie |
216b1 སྤོས།། ཞེས་གསུངས་ནས། སླར་གཏེར་སྦས་སོ།། ཨི་ཐི། བི་མ་མི་ཏྲ་དང་། སྐ་ཅོག་ཞང་གསུམ་གྱི་འགྱུར། སླར་རྗེ་སེང་གེ་མི་འགྱུར་རྡོ་རྗེ་ཐིག་ལེ་རྩལ་གྱིས་བརྙེས་སོ།། བར་འདིར་ཐིག་ལེ་གསང་བའི་བརྡའ་རྒྱུད་མ་བྱུང་། ཤུ
216b2 བྷཾ།། །། @#།། རྒྱ་གར་སྐད་དུ། མ་ཧཱ་སནྟི་བོ་དྷི་ས་ཏྭ་དྷྭ་ཛཱ་གྲ་ཏནྟྲ་ནཱ་མ། བོད་སྐད་དུ། རྫོགས་པ་ཆེན་པོ་བྱང་ཆུབ་གྱི་སེམས་རྒྱལ་མཚན་རྩེ་མོའི་རྒྱུད་ཅེས་བྱ་བ། སངས་རྒྱས་མར་མེ་མཛད
216b3 སྟོང་གི་གཙུག་ཕུད་རིན་པོ་ཆེ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། སངས་རྒྱས་མི་གཡོ་བའི་བསྐལ་པ་དང་པོ་ལ། ཡངས་པ་ཆེན་པོའི་གྲོང་ཁྱེར་མ་བཀོད་པར་སྣང་བ་ཞེས་བྱ་བ་ན། དེ
216b4 བཞིན་གཤེགས་པ་འོད་ཀྱི་ཕུང་པོ་ཞེས་བྱ་བ་མངོན་པར་འདུས་མ་བྱས་པ། ཆོས་ཉིད་རང་སྣང་གི་ནམ་མཁའ་དང་མཉམ་པར་བཞུགས་པ། སྙིང་པོ་བྱང་ཆུབ་ལ་མངོན་པར་བྱང་ཆུབ་ལ། ཆོས་ཐམས་ཅད་སྤྲོས་པ་མེད
216b5 པར་རང་གི་རྒྱན་དུ་བཀོད་པ། ཤེས་བྱ་ལ་མ་རྨོངས་པ། མངོན་པར་འདུས་མ་བྱས་པ། ཀུན་ཏུ་བཟང་པོ་ཐམས་ཅད་རྒྱ་མཚོ་དང་ཆུ་བྲན་གྱི་ཚུལ་དུ་འབྱུང་ཞིང་འདུ་བ། ལས་ཐམས་ཅད་མ་བཙལ་བར་གྲུབ་པ། བྱེད་པ
216b6 པོ་མེད་པར་ཀློང་གཅིག་ཏུ་འཁྱིལ་བ། སྐུའི་རིང་བསྲེལ་ཆེན་པོ་སྣང་བ་འོད་ཀྱི་ཕུང་པོར་བཞུགས་པ། གསུང་གི་རིང་བསྲེལ་ཆེན་པོ་རྒྱལ་མཚན་གྱི་རྩེ་མོ་ལྟར་ནུབ་པ་མེད་པར་སྒྲོགས་པ། ཐུགས་ཀྱི་རིང་བསྲེལ་ཆེན
iiif viewer powered by OpenSeadragon
