| e-texts navigator |
| Wylie |
215a1 སེམས་དཔའ་སེམས་དཔའ་ཆེན་པོ་རྡོ་རྗེའི་གདན་ལ་སངས་རྒྱས་པའི་ཚེ། བདག་གིས་སྙིང་པོ་བྱང་ཆུབ་ལ་མངོན་པར་སངས་རྒྱས་སོ།། ཞེས་ཆེ་བའི་ཡོན་ཏན་དཔག་ཏུ་མེད་པ་ནི་རང་བཞིན་ལྷུན་གྱིས
215a2 གྲུབ་སྟེ་མཐར་ཕྱིན་ནས། སེམས་ཅན་མ་སྨིན་པ་སྨིན་པར་བྱའོ།། སྨིན་པ་གྲོལ་བར་བྱའོ།། གྲོལ་བ་མཐར་ཕྱིན་པར་བྱའོ།། མཐར་ཕྱིན་པ་ཕྱིར་མི་ལྡོག་པར་བྱའོ་སྙམ་དུ་བསམས་ན་ཡང་། དེ་ནི་མ་ཡིན་ཏེ། སྭ་བྷ་བ།
215a3 པྲཛྙཱ་ཨ་པ་རཱི་མི་ཏ། ཞེས་བཟློག་པར་བྱའོ།། དེ་ནས་བཅོམ་ལྡན་རྡོ་རྗེ་འཆང་།། ཐུགས་རྗེ་མགོན་པོ་འོད་དཔག་མེད།། ཤཱ་ཤ་པ་རཱ་མི་ཏ་ཧྲཱི།། གསང་བདག་ལག་ན་རྡོ་རྗེ་ཁྱོད།། སྭ་རི་ས་རི་པྲ་སཱ་དྷ།། ངས་བསྟན་ཁྱོད
215a4 ཀྱིས་ཡིད་ལ་ཟུང་།། དྷརྨ་ཀ་ཡཱ་ཨི་ཧི་གྷ།། སྤྲོས་དང་བྲལ་བའི་ཆོས་ཉིད་ལ།། ཨ་མུ་པཱ་རི་ཀ་ཡཱ་ནི།། ཆེད་དུ་བརྗོད་མེད་སྒྲ་བསམ་འདས།། དྷ་ར་མ་སུ་པཱ་རི། སྭ་གཱ་བྷུ། སངས་རྒྱས་མེད་པར་བདག་འདོད་པ།། ཨི་ཎི
215a5 ཨ་ཎི་ཨ་ཏི་ཨ།། ནམ་མཁའི་རི་མོའི་ཕྱག་རྒྱ་འདྲ།། ཨ་ཀ་ར་ཨ་ཀ་ར།། ལག་ན་རྡོ་རྗེ་ཁྱོད་ཉོན་ཅིག། ཐམས་ཅད་མཁྱེན་པའི་སྤྱན་མངའ་ཡང་།། ཡང་དག་སངས་རྒྱས་དོན་མི་གཟིགས།། ང་ཡིས་སངས་རྒྱས་དོན
215a6 མཐོང་ན།། མཐོང་བ་ཉིད་ན་འགག་པར་འགྱུར།། འཇིག་རྟེན་ཁམས་ཀུན་སངས་རྒྱས་ཀྱང་།། ང་ཉིད་གཅིག་པུ་རྣམ་པར་དག། ང་མེད་གཞན་མེད་གཅིག་པུ་ཉིད།། རང་བྱུང་ཡེ་ཤེས་ཉིད་ཀྱང་ཚིག་གི་མཐའ་ལས
iiif viewer powered by OpenSeadragon
