| e-texts navigator |
| Wylie |
214b1 པའི་སྒྲ་སྐད་ཕུན་སུམ་ཚོགས་པར་སངས་རྒྱས་སོ།། ཡིད་འཇུག་པ་མེད་པར་རང་བྱུང་གི་ཡེ་ཤེས་ཟག་མེད་ཀྱི་ཀློང་དུ་གྲོལ་བ་མཐར་ཕྱིན་པར་སངས་རྒྱས་སོ།། མཛད་པ་ཕུན་སུམ་ཚོགས་པ་བྱ་བ་མེད་པའི་ཀློང་དུ
214b2 སངས་རྒྱས་སོ།། ཕྲིན་ལས་མཐར་ཕྱིན་པ་མ་བཙལ་བར་གྲུབ་པར་སངས་རྒྱས་སོ།། ཆོས་ཐམས་ཅད་ཆོས་མེད་པའི་ཀློང་དུ་སངས་རྒྱས་སོ།། ཕྱི་སྣོད་ཀྱི་འཇིག་རྟེན་འབྱུང་བ་ལྔས་བསྡུས་པ་ཐམས་ཅད་སྐྱེ་མེད་ཡེ
214b3 ཤེས་ཀྱི་ཀློང་མཁའ་ཀློང་རྣམ་པར་དག་པར་སངས་རྒྱས་སོ།། ནང་བཅུད་ཀྱི་འཇིག་རྟེན་འགྲོ་བ་རིགས་དྲུག་གི་སེམས་ཅན་སྲོག་གིས་བསྡུས་པ་ཐམས་ཅད་ཡེ་ཤེས་ཆེན་པོ་ལྔ་མི་གནས་པའི་ཡེ་ཤེས་ཆེན་པོ་དང་དྲུག་ཏུ
214b4 སངས་རྒྱས་སོ།། ཆོས་ཀྱི་སྐུ་ཐིག་ལེ་ཉག་གཅིག་བདེན་ལ། གཟུགས་ཀྱི་སྐུ་གཉིས་འབྲས་བུར་སྨིན་པས་རྡོ་རྗེའི་གདན་ལ་མངོན་པར་རྫོགས་པར་སངས་རྒྱས་སོ།། སངས་རྒྱས་ཉག་གཅིག་དྲི་མ་མེད།། སྐུ་གསུམ་ཡེ
214b5 ཤེས་ཟག་པ་ཟད།། བྱང་ཆུབ་སྙིང་པོ་རྣམ་པར་གྲོལ།། གསེར་གྱི་ཉི་མ་རང་བྱུང་སྐུ།། འཁོར་ལོས་སྒྱུར་བ་སྟོབས་པོ་ཆེ།། སྐད་ཅིག་འགགས་ལས་རྣམ་གྲོལ་བ།། ཐབས་ཀྱི་ཤེས་རབ་སྟོབས་པོ་ཆེ།། ཤེས་རབ་རིག་པ
214b6 སྭ་སྟི་ཨ།། ཞེས་ཡེ་ཤེས་བླ་མ་ཆེན་པོའི་རྒྱུད་ལས། བྱང་ཆུབ་སེམས་དཔའ་རྟོག་པ་སྐད་ཅིག་མ་ལ་རྡོ་རྗེ་གདན་ལ་མངོན་པར་རྫོགས་སངས་རྒྱས་པར་བསྟན་པའི་ལེའུ་སྟེ་ལྔ་པའོ།། །། དེ་ནས་བྱང་ཆུབ
iiif viewer powered by OpenSeadragon
