| e-texts navigator |
| Wylie |
214a1 པ་ཐམས་ཅད་ཀྱི་རྩ་བ། མན་ངག་ཐམས་ཅད་ཀྱི་དེམས། མཚོན་པ་མྱ་ངན་ལས་འདས་སོ།། ཤེས་བྱ་ལ་བརྟེན་པ་ཐམས་ཅད་ནི་ངོ་བོས་སྟོང་། སྐུ་རྣམ་པར་དག་པའི་རང་བྱུང་གི་ཡེ་ཤེས་སུ་ཤར་བ། དྲི
214a2 མ་མེད་པ་མན་ཤེལ་གྱི་སྐུ་ལྟ་བུ། རང་དག་པ་རྐྱེན་མེད་པར་སྣ་ཚོགས་གསལ་བ། རང་གི་རང་བཞིན་རྣམ་པར་དག་པའོ།། ཤེས་བྱ་ལ་སྒྲིབ་པ་མེད་པས་ཉོན་མོངས་པ་ལ་སྐྲག་པ་མེད་དོ།། ཕྱིན་ཅི་ལོག་གི་རྣམ་པར
214a3 རྟོག་པ་ཐམས་ཅད་ཆོས་ཉིད་ཀྱི་ཀློང་དུ་ལ་བཟླས་པས། ཕྱིར་མི་ལྡོག་པ་ཤིན་ཏུ་འདས་ཏེ། སྐུ་སྐྱེ་ཤི་མེད་པ་སྟོང་པ་ཆེན་པོ་ཡེ་ཤེས་ཀྱི་འོད་ཟེར་དུ་མྱ་ངན་ལས་འདས་སོ།། གསུང་སྨོན་པ་མེད་པ་སྨྲ་བསམ་བརྗོད་མེད
214a4 དུ་མྱ་ངན་ལས་འདས་སོ།། ཐུགས་བདེ་བ་ཆེན་པོར་ཡོངས་སུ་གྲུབ་པ། ཡོངས་སུ་དག་པ་ཡོངས་སུ་མ་འགགས་པ། སྙིང་པོ་བྱང་ཆུབ་ལ་ངེས་པར་ཞུགས་པའི་མཐར་ཕྱིན་ཏོ།། ཀྱེ་སེམས་དཔའ་ཆེན་པོ་ཡང་དག་པར
214a5 རྫོགས་པའི་སངས་རྒྱས་ལ་ཆོས་མེད་དོ།། སངས་རྒྱས་ལ་ལམ་མེད་དོ།། སངས་རྒྱས་ལ་འབྲས་བུ་མེད་དོ།། ཞེས་ཡེ་ཤེས་བླ་མ་ཆེན་པོའི་རྒྱུད་ལས། རང་བྱུང་གི་ཡེ་ཤེས་ཆོས་ལས་འདས་པར་བསྟན་པའི་ལེའུ་སྟེ་བཞི
214a6 པའོ།། །། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་གདན་ལ་མངོན་པར་རྫོགས་པར་སངས་རྒྱས་ཏེ། ལུས་མ་བོར་བར་ལྷ་མོ་འོད་ཟེར་ཅན་གྱི་དཀྱིལ་འཁོར་དུ། ངག་མ་བོར་བར་ཚངས
iiif viewer powered by OpenSeadragon
