| e-texts navigator |
| Wylie |
213b1 པའོ།། །། དེ་ནས་བྱང་ཆུབ་སེམས་དཔའ་ཆེན་པོས། ཆོས་ཐམས་ཅད་ཀྱི་དེ་བཞིན་ཉིད་ཁོང་དུ་ཆུད་དེ། སྐྱེ་མེད་དག་པའི་ཀློང་ནས་ཐུགས་རྗེའི་འོད་ཤར་བ།། མི་ནུབ་རྒྱལ་མཚན་རྡོ་རྗེ་སེམས་དཔའི
213b2 ཞལ།། ཆེ་བའི་ཡེ་ཤེས་དཔག་མེད་བསམ་ལས་འདས།། ལྕང་ལོ་ཅན་དུ་སྐུ་སྤྲུལ་བྱང་ཆུབ་སེམས།། གསང་བའི་བདག་པོ་རྫུ་འཕྲུལ་སྟོབས་པོ་ཆེ།། སྤྲིན་གྱི་ཤུགས་ཅན་བདུད་རྩིའི་ཆར་འབེབས་པ།། ཐིག་ལེ་ཉག
213b3 གཅིག་རང་བྱུང་ཡེ་ཤེས་སྐུ།། མ་གཡོས་རྒྱ་མཚོ་ལྟ་བུར་སྒྲ་འཁྲུངས་པ།། ཨུ་དུམ་ཝ་རའི་མེ་ཏོག་འབྲས་བུར་བཅས།། མ་སྐྱེས་སྙིང་པོ་མེ་ཏོག་འབྲས་བུར་སྨིན།། སྐྱེ་མེད་དབྱིངས་ནས་སྐྱེ་བའི་སྐུར་བསྟན་པ།། རྡོ་རྗེ
213b4 སེམས་དཔའ་སྐུ་སྦྲུལ་མཁྱེན་མངའ་བ།། རོ་ལངས་བདེ་བ་རང་བྱུང་ཡེ་ཤེས་སྐུ།། མཁྱེན་པའི་ཡེ་ཤེས་མཁའ་ནས་ཉི་ཤར་འདྲ།། མ་རྨོངས་མཁྱེན་མངའ་ཤེས་རབ་ཕ་རོལ་ཕྱིན།། བསོད་ནམས་ཡེ་ཤེས་ཚོགས་ཆེན
213b5 རྫོགས་པའི་སྐུ།། བླ་མེད་བྱང་ཆུབ་སྙིང་པོ་མཁྱེན་གསལ་རིག། ཐབས་ལ་མཁས་པས་བདག་དང་གཞན་དོན་མཛད།། ཀྱེ་གསང་བའི་བདག་པོ་མཁྱེན་པས་གཟིགས་པ། ཡང་དག་པར་རྫོགས་པའི་སངས
213b6 རྒྱས་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བླ་མ་ཆེན་པོའི་རྒྱུད་ལས་གྲོལ་བར་བྱེད་པ། ཟག་པ་མེད་པའི་ཤེས་རབ་མཐར་ཕྱིན་པ། ཆོས་ཐམས་ཅད་ལས་རྣམ་པར་གྲོལ་བ། ཡེ་ཤེས་ཐབས་ཀྱིས་མངོན་དུ་འབྱུང
iiif viewer powered by OpenSeadragon
