| e-texts navigator |
| Wylie |
213a1 བསྐྱོད་བྱང་ཆུབ་སེམས།། ཐུགས་ཀའི་ཡེ་ཤེས་འོད་ཟེར་འབུམ་གྱི་གཟི།། ཀུན་ཏུ་བཟང་པོ་རང་བྱུང་བཅོམ་ལྡན་འདས།། འགྲོ་བ་ཡོངས་ལ་ནམ་མཁའ་ལྟ་བུར་ཤར།། མཁྱེན་པའི་ཡེ་ཤེས་སྟོབས་བཅུ
213a2 ཕ་རོལ་ཕྱིན།། རྣམ་པར་གྲོལ་བས་ཕ་རོལ་བདུད་བཞི་འཇོམས།། དབྱིངས་ཀྱི་ཐུགས་རྗེ་མ་བསྒྲིབས་མཁྱེན་མངའ་བ།། སྙིང་པོ་མ་བཅོས་ཀུན་གཞི་བྱང་ཆུབ་སེམས།། ས་དང་ལམ་གྱི་བགྲོད་པས་ཕ་རོལ་ཕྱིན།། རང
213a3 བྱུང་ཡེ་ཤེས་གསང་བའི་དབྱིངས་ནས་ཤར།། ཐུགས་རྗེ་ཐབས་མཁས་འགྲོ་དོན་སོ་སོར་མཁྱེན།། སྙིང་པོ་བྱང་ཆུབ་ཡེ་ནས་རྣམ་པར་དག། ལས་དང་ཐུགས་རྗེ་མ་བསྒྲིབས་མཁྱེན་མངའ་བ།། རྡོ་རྗེ་སེམས
213a4 དཔའ་ཐུགས་རྗེ་སྟོབས་པོ་ཆེ།། ཐབས་ཀྱི་ཡེ་ཤེས་མ་བསྒྲིབས་མཁྱེན་མངའ་བ།། ཐུགས་རྗེའི་ཉི་མ་འགྲོ་བ་ཡོངས་ལ་ཤར།། ཞེས་བཀའ་སྩལ་ཏོ།། རིགས་ཀྱི་བུ་སངས་རྒྱས་ཀྱིས་གདམས་པ་བསྟན་པའི་དུས་སུ།།
213a5 རྒྱུད་ཐམས་ཅད་ཀྱི་དེ་བཞིན་ཉིད་ཤེས་པར་བྱའོ།། སངས་རྒྱས་ཀྱི་ངོ་བོ་བསྟན་པའི་དུས་སུ་འཁོར་བ་ཐོག་མཐའ་གཅོད་པའི་གདམས་ངག་ཚིག་གསུམ་གྱིས་བསྟན་པར་བྱའོ།། སངས་རྒྱས་ཀྱི་བདེན་པ་མཐོང་བའི
213a6 དུས་བསྟན་པའི་ཚེ། སྐད་ཅིག་མ་གསུམ་གྱི་མན་ངག་ཤེས་པར་བྱའོ།། ཞེས་ཡེ་ཤེས་བླ་མ་ཆེན་པོའི་རྒྱུད་ལས། རྗེས་སུ་འཇུག་པའི་སེམས་ཅན་རྣམས་ལ་གདམས་པར་བསྟན་པའི་ལེའུ་སྟེ་གསུམ
iiif viewer powered by OpenSeadragon
