| e-texts navigator |
| Wylie |
212b1 གཅིག་ཨ་ཏིར་འདུས་སོ།། ཞེས་ཡེ་ཤེས་བླ་མ་ཆེན་པོའི་རྒྱུད་ལས། ལག་ན་རྡོ་རྗེས་ངེས་པའི་ལན་རྡོ་རྗེ་འཆང་གིས་བསྟན་པའི་ལེའུ་སྟེ་གཉིས་པའོ།། །། དེ་ནས་བྱང་ཆུབ་སེམས་དཔའ་སེམས་དཔའ་ཆེན
212b2 པོ་ལག་ན་རྡོ་རྗེས། རྡོ་རྗེ་འཆང་གི་རྗེས་སུ་འཇུག་པའི་བྱང་ཆུབ་སེམས་དཔའ་རྣམས་ལ། གདམས་པར་བཞག་པའི་ཐབས་བསྟན་དུ་གསོལ། ཞེས་ཞུས་ཏེ། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་ཁྱོད
212b3 ཉོན་ཅིག། སངས་རྒྱས་མར་མེ་མཛད་སྟོང་གི་གཙུག་ཕུད་རིན་པོ་ཆེས་ཆུ་བོ་ཆེན་པོ་བཞི་འདུས་པའི་དབུས་སུ་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་ཡེ་ཤེས་བླ་མ་ཆེན་པོའི་རྒྱུད་བཀའ་སྩལ་ནས། སྡུད་པ་པོ་དགའ
212b4 རབ་རྡོ་རྗེས་བསྡུས་སོ།། རྡོ་རྗེ་སེམས་དཔའ་སངས་རྒྱས་ཀུན་གྱི་དངོས།། ཐུགས་རྗེའི་སྦྲུལ་སྐུ་མཚན་དང་ཚུལ་ཤེས་ལྡན།། སྐྱེ་མེད་དབྱིངས་ནས་སྐྱེ་བའི་སྐུར་བསྟན་པ།། འགག་མེད་ནམ་མཁའི་ཀློང་ནས་ཉི་ཤར
212b5 བཞིན།། དངོས་མེད་ཕྱོགས་བྲལ་རྣམ་དག་ཆོས་ཀྱི་དབྱིངས།། རང་བཞིན་འོད་གསལ་ཆོས་ཉིད་རྣམ་པར་དག། མ་སྤྲོས་མ་བཀོད་ཞིང་ཁམས་རྣམ་དག་ནས།། རང་བྱུང་ཡེ་ཤེས་མ་བཅོས་མཁྱེན་མངའ་བ།། སྐུ
212b6 གསུམ་ལྷུན་གྲུབ་ཤེས་རབ་ཕ་རོལ་ཕྱིན།། གཟུང་འཛིན་གཉིས་མེད་མི་གནས་མྱ་ངན་འདས།། ཐབས་ཀྱི་རྒྱལ་པོ་སྟོབས་མཆོག་བྱང་ཆུབ་སྐུ།། འགྲོ་བ་ཡོངས་ལ་དཔལ་མགོན་ཉི་ཤར་བ།། རྡོ་རྗེ་སེམས་དཔའ་མི
iiif viewer powered by OpenSeadragon
