| e-texts navigator |
| Wylie |
212a1 པའོ།། སངས་རྒྱས་དགོངས་པ་ནི་སྟོང་པ་ཡང་མ་ཡིན། མི་སྟོང་པ་ཡང་མ་ཡིན་ན་སྟོང་པ་ཉིད་ཅེས་བྱ་བ་ནི་རང་བཞིན་ཆད་ལྟར་མི་འགྲོ་ཡིས་རེ་ཞིག་དངོས་པོ་ལ་ཞེན་པ་བཟློག་པའི་ཆེད་དུ་སྟོང་པ་ཉིད
212a2 ཅེས་གསུངས་སོ།། སྟོང་པ་ཉིད་ཅེས་བྱ་བའི་གོ་བ་ནི། ཆོས་ཉིད་ལ་དངོས་པོར་མ་གྲུབ་པས་སྟོང་ལ། ཡེ་ཤེས་ལ་སྐྱེ་འགག་མེད་པས་ཉིད་ཅེས་བྱའོ།། དངོས་པོ་ལ་སྒྱུ་མ་ཙམ་དུ་ཤེས་པ་དེ་དངོས་པོ་ལ་བློ་ལོག་པ་ཙམ
212a3 གྱིས་ཤེས་པ་སྐྱེ་བ་ཡིན་ལ། སེམས་གནས་པ་ཙམ་གྱི་ཉམས་ལ་ཤེས་པ་རྟོག་མེད་དུ་འཆར་བ་ནི་བསམ་གཏན་ཅུང་ཟད་ཙམ་གྱི་ཆོས་ཡིན་པས། དེ་བཞིན་ཉིད་ཀྱི་དོན་དང་མི་འབྱོར་རོ།། རིགས་ཀྱི་བུ་ཆོས་ཐམས་ཅད
212a4 ཀྱི་དེ་བཞིན་ཉིད་གང་ཞེ་ན། ངས་མདོ་ཙམ་ཞིག་བསྟན་གྱིས་ཉོན་ཅིག། ཆོས་ཀྱི་སྐུའི་ངོ་བོ་ནི་རང་བཞིན་རྣམ་པར་དག་པ། སྤྲོས་པའི་མཐའ་མ་སྤངས་པར་སྤྲོས་པ་ཉེ་བར་ཞི་བ་བརྗོད་པའི་མཐའ་མ་སྤངས་པར
212a5 བརྗོད་པ་ལས་འདས་པ། དབང་པོའི་སྒོ་མ་འགགས་པར་དབང་པོའི་སྤྱོད་ཡུལ་མ་ཡིན་ནོ།། ཀ་ནས་དག་པའི་ཡེ་ཤེས་རྟོག་མེད་དུ་གསལ་བ། གསལ་བ་བདག་མེད་པའི་རང་བཞིན་ནི་མ་བཅོས་འགྱུར་མེད་ལྷན
212a6 རྫོགས་མ་བསླད་མ་འགགས་པའོ།། ཐུགས་རྗེ་སྤྲུལ་པའི་སྐུ་ནི་འོད་ཟེར་གྱི་ཕུང་པོར་གནས་སོ།། རང་བཞིན་དག་པའི་ནི་དངོས་པོའི་མཐའ་ལས་འདས་ཏེ་རང་བཞིན་མེད་པའོ།། མཚོན་པའི་ཡེ་ཤེས་ནི་ཐིག་ལེ་ཉག
iiif viewer powered by OpenSeadragon
