| e-texts navigator |
| Wylie |
211a1 བསྟན་པ་དང་། ལེའུ་བདུན་པ་སངས་རྒྱས་མེད་པས་རྣལ་འབྱོར་ཆེན་པོ་ལ་འབྲས་བུ་མེད་པར་བསྟན་པའོ།། །། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོས་དྲི་བ་དྲིས་པ། ཐུགས་རྗེ
211a2 ཆེན་པོ་ཆོས་ཐམས་ཅད་དེ་བཞིན་ཉིད་ཅེས་བྱ་བ། མ་བཅོས་པ་ལགས་སམ། གཉིས་སུ་མེད་པ་ལགས་སམ། མཉམ་པ་ཉིད་ལགས་སམ། མི་གཡོ་བ་ལགས་སམ། ལྷུན་གྱིས་གྲུབ་པ་ལགས་སམ། ཤེས་པ་གསལ་བ
211a3 ལ་རྟོག་པ་མེད་པ་ཙམ་ལགས་སམ། དངོས་པོ་གསལ་བ་ལ་རང་བཞིན་མེད་པ་ཙམ་ལགས་སམ། སྟོང་པ་ཉིད་ལགས་སམ། དངོས་པོའི་ཆོས་ཐམས་ཅད་ལ་སྒྱུ་མ་ཙམ་དུ་ཤེས་པ་དེ་ལགས་སམ། ཏིང་ངེ་འཛིན་རྒྱ
211a4 མཚོ་ལྟ་བུར་གཡོས་པ་མེད་པ་དང་། ཤེས་པ་རྟོག་མེད་དུ་འཆར་བ་དེ་ཆོས་ཐམས་ཅད་ཀྱི་དེ་བཞིན་ཉིད་ལགས་སམ། དེ་ཇི་ལྟར་ལགས་བདག་གིས་མ་ཤེས་མ་འཚལ་ཏོ།། ཀྱེ་ཐུགས་རྗེ་དང་ཐབས་སུ་ལྡན་པས
211a5 བདག་ལ་ལུང་བསྟན་དུ་གསོལ། ཞེས་དྲི་བ་དྲིས་ཏེ། དེ་ནས་བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་ཉོན་ཅིག། ཁྱོད་ཀྱིས་དྲི་བ་དྲིས་པ་དེ་ལེགས་སོ།། ཡང་དག་པར་རྫོགས་པའི་སངས་རྒྱས་ཀྱི་དགོངས
211a6 པ་ནི། ནམ་མཁའི་མཐའ་དང་མཉམ་མོ།། རྒྱ་མཚོ་ཆེན་པོ་བས་གཏིང་ཟབ་བོ།། མེ་ཏོག་ཀུ་མུ་ཏའི་ས་བོན་ལས་ཆ་ཕྲའོ།། ལུང་དང་རིགས་པས་རྗེས་སུ་མི་དཔོག་གོ། རིགས་ཀྱི་བུ་ཆོས་ཐམས་ཅད་ཀྱི་དེ་བཞིན་ཉིད
iiif viewer powered by OpenSeadragon
