| e-texts navigator |
| Wylie |
210a1 ཏུ་མེད་པར་གནས་པ། ཆོས་ཐམས་ཅད་ལ་འབྱེད་པ་མེད་པའི་ཤེས་རབ་ཟབ་མོ་ཀློང་ཡངས་པ་དེ་ནི་ང་རང་བྱུང་གི་ཡེ་ཤེས་ཆེན་པོར་རང་སྣང་བའོ།། སྟོང་གསུམ་གྱི་སྟོང་ཆེན་པོ་འཇིག་རྟེན་གྱི
210a2 ཁམས་ཐམས་ཅད་ནི། ངའི་ཞབས་གཡོན་པའི་མཐེ་བོའི་འོག་ཏུ་མནན་ཏེ་བསྡུས་སོ།། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ནི། ངའི་ཤེས་རབ་ཟབ་མོ་བརྟག་དཀའ་བ་མེ་ཏོག་ཀུ་མུ་ཏའི་འབྲུའི་ཁོག
210a3 པར་བསྡུས་སོ།། འགྲོ་བ་རིགས་དྲུག་གི་སེམས་ཅན་མ་ལུས་པ་འཇིག་རྟེན་དང་འཇིག་རྟེན་ལས་འདས་པ་ཐམས་ཅད་ནི། ངའི་ལག་པ་གཡོན་པའི་མཐིལ་དུ་བཞག་སྟེ། དེ་དཔེར་ན་སྐྱུ་རུ་ར་ལག་མཐིལ་དུ་བཞག་པ
210a4 ལྟ་བུའོ།། ཆོས་ཀྱི་སྐུའི་གཞི་རང་བཞིན་རྣམ་པར་དག་པའི་ཆོས་ཤེས་བྱ་བབ་ཀྱིས་གྲུབ་ལ། ཐིག་ལེ་ཉག་གཅིག་ཆོས་ཐམས་ཅད་ཡེ་ཤེས་ཀྱི་སྙིང་པོར་གནས་པ་དྲི་མ་མེད་པ། དྲི་མ་དང་བྲལ་བ་མེད་པ། ཡོད་མེད
210a5 རྟག་ཆད་ཀྱི་མཐའ་ཐམས་ཅད་ལས་གྲོལ་བའོ།། རྡོ་རྗེ་སེམས་དཔའི་ཞལ་ཆེམས་འདི་སྟུག་པོ་བཀོད་པའི་གནས། ལྕང་ལོ་ཅན་གྱི་ཕོ་བྲང་གསང་བའི་བདག་པོ་ལག་ན་རྡོ་རྗེ་ལ་གནང་ནས། ཆོས་ཀྱི་སྐུ་ལ་གཉེན་པོ
210a6 གང་གིས་ཀྱང་མི་ཤིགས་པར་བསྟན་པའོ།། ཞེས་ཡེ་ཤེས་བླ་མའི་རྒྱུད་ལས། ལེའུ་དང་པོ་གཙོར་བཞག་པ་སངས་རྒྱས་ཉིད་ཀྱི་གསུངས་པའི་ལེའུ་སྟེ་དང་པོའོ།། །། བཅོམ་ལྡན་འདས་གསང་བའི་བདག
iiif viewer powered by OpenSeadragon
