| e-texts navigator |
| Wylie |
20b1 སྟོང་དང་མི་སྟོང་མེད།། ཀྱེ་མ་སངས་རྒྱས་སྐུ་ནི་སྣ་ཚོགས་མ་ཡིན་པས།། ཡེ་ཤེས་སྣང་བ་གཅིག་དང་དུ་མར་མེད།། ཆེ་ཆུང་ཡུལ་མིན་ཤིན་ཏུ་རྟོགས་པར་དཀའ།། ཡང་དག་ཆེན་པོའི་གནས་ལུགས་དེ་བཞིན
20b2 ནོ།། ཞེས་ནོར་བུ་ཕྲ་བཀོད་ཆེན་པོའི་རྒྱུད་ལས། རང་བཞིན་སྣང་བའི་ཐུགས་བསྟན་པའི་ལེའུ་སྟེ་ལྔ་པའོ།། །། དེ་ནས་ཡང་ཡེ་ཤེས་ཀྱི་ལྷ་མོ་གསལ་བའི་རྒྱན་ཞེས་བྱ་བས་འདི་སྐད་ཅེས་གསོལ་ཏོ།། ཀྱེ་ཀྱེ
20b3 བཅོམ་ལྡན་རྡོ་རྗེ་སེམས།། རང་སྣང་ཆེན་པོའི་ལྟ་སྟངས་གསུངས།། སངས་རྒྱས་ཀུན་གྱི་ཡེ་ཤེས་ནི།། དོན་དམ་དང་ནི་ཀུན་རྫོབ་བོ།། སྤྱི་དང་འདྲེན་པའི་ཁྱད་པར་ལས།། གསང་སྔགས་བཞུགས་ཚུལ་གསུང་དུ
20b4 གསོལ།། དེ་ནས་བཅོམ་ལྡན་རྡོ་རྗེ་སེམས།། ཞི་བའི་གདན་ལས་ལངས་ནས་ནི།། ལས་ཀྱི་སྣང་བའི་ཆོ་འཕྲུལ་བསྟན།། ངེས་པའི་རྒྱུད་ཆེན་ལེའུ་འདི་གསུངས་སོ།། ཨེ་མ་ལྷ་མོ་རྒྱན་ལྡན་ཉོན།། ངས་བསྟན་ལེགས
20b5 པར་ཡིད་ལ་ཟུང་།། སེམས་ཀྱི་སྣང་བ་ཇི་སྙེད་པ།། ལས་གྱི་སྤྱོད་པ་ཆེན་པོས་སྤྱད།། རྣམ་རྟོག་ལས་ནི་ཇི་ཙམ་པར།། རང་སྣང་ཆེན་པོའི་ཀློང་དུ་བསྒོམ།། བསམ་བྱེད་འདུ་འཕྲོ་ཇི་སྙེད་པ།། ཐབས་ཀྱི་འདྲེན་སྒོ་ཆེན
20b6 པོར་བྱུང་།། ཆོས་ཉིད་དག་པའི་སྐུ་ཉིད་ཀྱང་།། སྣང་མཛེས་སེམས་ཀྱི་མེ་ལོང་ལྟོས།། ཨེ་མ་དྲི་མ་གཉིས་སུ་སྣང་བ་ཡང་། མིང་ཙམ་དོན་ལ་ཡོད་མ་ཡིན།། ཉོན་མོངས་ཡིད་དྲུག་སྤྱོད་པ་བཞི།། མངོན་སུམ་ཉིད་ལ
iiif viewer powered by OpenSeadragon
