| e-texts navigator |
| Wylie |
209b1 བྱུང་བ།། སྟོབས་ཀྱི་བདག་པོ་རྡོ་རྗེ་འཆང་།། ལག་ན་རྡོ་རྗེ་ཁྲོ་བོ་ཆེ།། ལོག་ལྟ་ཤུགས་ཀྱིས་བསྒྲལ་བར་བྱོས།། ཞེས་བརྗོད་ནས། རང་བྱུང་གི་བཅོམ་ལྡན་འདས་ནི་སྙིང་པོ་བྱང་ཆུབ་འདུ་འབྲལ་མེད་པར་བཞུགས་པ།།
209b2 ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་འབྱུང་གནས་རང་བཞིན་རྣམ་པར་དག་པའི་སྐུ། ཐུགས་རྗེའི་འོད་ཟེར་གྱིས་སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་མ་ལུས་མི་ལུས་ལུས་པ
209b3 མེད་པར་བཞུགས་པ། སྐུ་གསུང་ཐུགས་ཆེ་བའི་ཡོན་ཏན་རྨད་དུ་བྱུང་བས། སངས་རྒྱས་ཐམས་ཅད་ཀྱི་སྤྱི་ཕུད་ཀྱི་སྟོང་ཆེན་པོར་གྲགས་སོ།། སྐུ་རྨད་དུ་བྱུང་བས་སྐུའི་དཀྱིལ་འཁོར་གསང་བ་རྨད་དུ་བྱུང་བ་དང་།
209b4 གསུང་རྨད་དུ་བྱུང་བས་གསུང་གི་དཀྱིལ་འཁོར་རྨད་དུ་བྱུང་བ་གསུང་རིག་པའི་ཁུ་བྱུག་སྒྲོགས་པ་དང་། ཐུགས་རྨད་དུ་བྱུང་བས་ཐུགས་ཀྱི་དཀྱིལ་འཁོར་མཁྱེན་པས་གཟིགས་པའོ།། ཐུགས་རྗེ་ཆེ་བ། ཐབས་མཁས
209b5 པ། སྟོབས་ཀྱིས་ཕ་རོལ་དཔུང་འཇོམས་པ། ཤེས་རབ་ཟབ་མོ་རིག་པའི་ཀློང་ནས་འཆང་བས་ཆོས་ཐམས་ཅད་དེ་བཞིན་ཉིད་ལ་སྦྱོར་བ། གསང་བ་བླ་ན་མེད་པ། ཐུན་མོང་མ་ཡིན་པ། བལྟ་བ་ཁྱད་པར་གྱི་ཡེ་ཤེས
209b6 རྫོགས་པ། འབྲས་བུ་བླ་ན་མེད་པ་རྒྱུད་ལ་སྨིན་པ། འབྱེད་པ་མེད་པར་ཀློང་གཅིག་ཏུ་འཁྱིལ་པ། ཤེས་བཞིན་དུ་མི་གནས་པ། མ་ཡིན་པ་ཐམས་ཅད་ཡིན་པར་སྦྱོར་བ། ཡིན་པ་ལ་བདག་མེད། ཆེ་བའི་ཡེ་ཤེས་དཔག
iiif viewer powered by OpenSeadragon
