| e-texts navigator |
| Wylie |
208b1 དགོངས་པ་ཤེས་རབ་བློ་ལྡན་པ།། དད་ལྡན་བརྩོན་འགྲུས་ཆེ་བའི་བསྒོམ་པ་ལ།། ཉིད་ནས་ཉིད་དུ་གདམས་ཏེ་རྒྱ་ཡིས་བཏབ།། སེམས་སྨད་བཅཝོ་བརྒྱད་མན་ངག་མདོར་བསྡུས་པ།། བློ་ལྡན་ཤེས་རབ་ཅན་ལ་བསྟན
208b2 པར་བཞག། ཅེས་རྡོ་རྗེ་རྩེ་མོ་འདུས་པའི་རྒྱུད་ལས། གང་ཟག་ལ་གཏད་པར་བསྟན་པའི་ལེའུ་སྟེ་བཅུ་པའོ།། །། གསུང་གི་རྒྱུད་རྡོ་རྗེ་རྩེ་མོ་འདུས་པ་ཞེས་བྱ་བ། སློབ་དཔོན་བི་མ་ལ་དང་། ལོ་ཙཱ་བ་སྐ་ཅོག
208b3 གསུམ་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པ་རྫོགས་སོ།། ཨ་ཙ་ར་གཉིས་བསྟན་པ་སྲུངས།། མྦྷི།། 1། ཨརྒ་ཁཱདྦ་ཤེ། @#།། རྒྱ་གར་སྐད་དུ། ཛྙཱ་ན་གུ་རུ་མ་ཧཱ་ཏན་ཏྲ། བོད་སྐད་དུ།
208b4 ཡེ་ཤེས་བླ་མ་ཆེན་པོའི་རྒྱུད། བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་བསྟན་པའི་དུས་གཅིག་ན། ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་དགྲ་བཅོམ་པ་ཡང
208b5 དག་པར་རྫོགས་པའི་སངས་རྒྱས་གང་ཇི་སྙེད་ཅིག་བཞུགས་ཤིང་འཚོ་སྐྱོང་བ་དང་། ས་ལ་གནས་པའི་བྱང་ཆུབ་སེམས་དཔའ་དང་། འཕགས་པ་དགྲ་བཅོམ་པ་དང་། ཉན་ཐོས་དང་རང་སངས་རྒྱས་ལ་སོགས་ཏེ། མི
208b6 དང་མི་མ་ཡིན་གྱི་ཚོགས་སུ་གྱུར་པ་བཀའ་དང་དམ་ལ་གནས་ཤིང་འཚོ་སྐྱོང་བ་དེ་དག་ཐམས་ཅད་རྣ་བ་ལྷོགས་ལ་ཉོན་ཅིག། སྟོང་གསུམ་གྱི་སྟོང་ཆེན་པོ། འཇིག་རྟེན་གྱི་ཁམས་ཐམས་ཅད་ན། ངས་རིན་པོ་ཆེས་བྱུར
iiif viewer powered by OpenSeadragon
