| e-texts navigator |
| Wylie |
207b1 སྲོང་ལྡེའུ་བཙན་དང་།། ཉང་བ་ན་ཆེན་པོ་ཤ་ཡི་སྤྱན་དང་ལྡན་པ་ཡིས།། མཆིམས་ཕུ་བྲེ་གུ་དགེ་འུའི་དབེན་རྩ་རུ།། བྱང་ཆུབ་སེམས་ཀྱི་དགོངས་པ་བརྙེས་པ་ལྟར།། དེ་དང་མཐུན་པར་རྣལ་འབྱོར་བདག་བསྒྲུབ
207b2 ན།། གསང་བ་ཐུགས་ཀྱི་དཀྱིལ་འཁོར་གྱིས་བྱིན་གྱིས་རློབས།། དེ་ཡན་ཆད་རྒྱ་བོད་འབྲེལ་པའི་ཆོས་སོ།། དེ་མན་ཆད་རིམ་གྱིས་སྐུལ་བ་མན་ངག་དང་སྦྱར་རོ།། བྱང་ཆུབ་ཀྱི་སེམས་རྡོ་རྗེ་རྩེ་མོ་འདུས་པ་ལས
207b3 གདམས་པ་བསྒྲུབ་པའི་དུས། ཚོགས་ཀྱི་འཁོར་ལོ་བསྐོར་བ་དང་། རྒྱུད་འཛིན་པའི་བྱང་ཆུབ་སེམས་དཔའ་རྣམས། ཆོས་ཀྱི་དབྱིངས་ཀྱི་ཕོ་བྲང་ནས་སྐུལ་བའི་ལེའུ་སྟེ་དགུ་པའོ།། །། བཅོམ་ལྡན་འདས
207b4 དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། སྟོན་པ་དགའ་རབ་རྡོ་རྗེ་ངས།། བྱ་རྒོད་ཕུང་པོའི་རི་བོ་ལ།། ལྕང་ལོ་ཅན་གྱི་ཕོ་བྲང་དུ།། རྡོ་རྗེ་སེམས་དཔའི་ཐུགས་བརྟོལ་ཏེ།། བྱང་ཆུབ་སེམས་ཀྱི་ལྡེ་མིག
207b5 གིས།། གསང་བའི་མན་ངག་སྒོ་ཕྱེ་ནས།། རྒྱུད་སྡེ་ལྔ་ཡི་རྟ་ཕོ་ལ།། རིག་པའི་ཡེ་ཤེས་སྒྲ་ཡིས་བསྟན།། ངོ་སྤྲོད་གསུམ་པོའི་མི་ཕོ་ཞོན།། ཤེས་རབ་འགྱུར་མེད་ལམ་དུ་ཞུགས།། འཁོར་བའི་འཕྲང་ཆེན་བརྒལ་ནས
207b6 སུ།། ཡུལ་ནི་སྐྱེ་བ་མེད་པའི་དབྱིངས།། མཁར་ནི་འགྱུར་བ་མེད་པའི་མཁར།། ཕ་ནི་རིག་པའི་རྒྱལ་པོ་ཡིན།། མ་ནི་ཤེས་རབ་སྐྱེ་མེད་ཡིན།། བུ་ནི་རང་བྱུང་ཡེ་ཤེས་ཡིན།། དེ་ལྟ་བུ་ཡི་སངས་རྒྱས་ལ།། ང་ཡི་རྟོགས
iiif viewer powered by OpenSeadragon
