| e-texts navigator |
| Wylie |
205b1 མ་བསྟན་པའི་སྤྱོད་པ་རྣམ་པར་དག་པའི་ཡེ་ཤེས་སོ།། ཆོས་སུ་སྣང་བ་ནི་སེམས་ཅན་གྱི་ལུང་ངོ་།། སངས་རྒྱས་ལ་ཆོས་མེད་དོ།། ཆོས་ཀྱིས་སངས་མི་རྒྱའོ།། ཆོས་ཀྱིས་བདེ་བ་ཙམ་ཐོབ་པར་ནུས་ཀྱི། ཆོས་ལས
205b2 འདས་པ་ན་རྣམ་པར་གྲོལ་ཞེས་དགའ་རབ་རྡོ་རྗེས་གསུངས་སོ།། ད་ནི་བྱང་ཆུབ་སེམས་དཔའ་རྣམས་མི་གཡོ་བའི་ས་ལས། སྔོན་གྱི་ཐུགས་དམ་དབང་གིས་སྤྱན་དྲང་བར་བྱ་སྟེ། མ་གཡེལ་མ་འཕངས་ཡེ་ཤེས
205b3 ལྷ།། རྒྱལ་པོའི་ཕོ་བྲང་དག་དང་རིན་ཆེན་ཡོད་པ་ན།། བཙན་ཁྲོམ་དམག་དཔུང་ཚོགས་ཀྱང་དེ་ན་རབ་ཏུ་འདུ་བ་བཞིན།། གང་ཞིག་བསྟན་པའི་སྙིང་པོ་མེད་ཅིང་མ་ཆགས་མི་གནས་གནས་དེ་ན།། དམ་ཅན་རྒྱ་མཚོའི
205b4 ཚོགས་ཀྱང་དེ་ན་ཡོངས་མི་འདུ།། གང་ཞིག་བསྟན་པའི་སྙིང་པོ་ཆགས་ཤིང་ཡོད་པ་ན།། དམ་ཅན་རྒྱ་མཚོའི་ཚོགས་ཀྱང་དེ་ན་རབ་ཏུ་འདུ།། ཉི་མའི་སྙིང་པོ་གང་ན་ཤར་བ་ན།། འོད་ཟེར་མང་པོ་འཕྲོ་ཞིང་འདུ་བ
205b5 ལྟར།། བྱང་ཆུབ་སེམས་ཀྱི་དགོངས་པ་གང་ན་གསལ་བ་ན།། རྒྱལ་བ་ཞི་ཁྲོའི་ཚོགས་ཀྱང་དེ་ན་རབ་ཏུ་གསལ།། ནམ་མཁའི་མཐོངས་ལ་ལྷོ་སྤྲིན་གཏིབས་པ་བཞིན།། དམ་ཅན་རིག་འཛིན་ཚོགས་ཀྱང་རབ་ཏུ
205b6 འདུ།། རྒྱ་མཚོ་ཆེན་པོར་ཆུ་བྲན་འདུ་བ་བཞིན།། མ་སྲིང་རྒྱ་མཚོའི་ཚོགས་ཀྱང་འདུ་ཞིང་གཤེགས།། ལྷུན་གྱིས་གྲུབ་པའི་རིག་འཛིན་མ་གཡེལ་ཅིག། ཕྱག་རྒྱ་མ་སྐྱེས་དེ་བཞིན་གཤེགས་པའི་རིག་འཛིན་དང་།། བདུད
iiif viewer powered by OpenSeadragon
