| e-texts navigator |
| Wylie |
204b1 ང། མཐོ་དམན་ཀློང་དུ་མཉམ་པས་ཡེ་ཤེས་བདག་མེད་སྐུ།། ས་དང་ལམ་གྱིས་བགྲོད་མིན་ཡེ་ཤེས་མིག་གཅིག་དྲི་མ་མེད།། རྩོལ་བསྒྲུབ་ཟིལ་གྱིས་གནོན་པས་བདེ་འབྱམས་ཡེ་ཤེས་སྐུ།། བྱང་ཆུབ་སེམས་སེང་གེ
204b2 འཁྱིལ་པའི་རྒྱུད་ཀྱི་ཆེ་བའོ།། སངས་རྒྱས་ཆེ་བའི་ཡོན་ཏན་སྐུ་གསུང་ཐུགས།། སངས་རྒྱས་རོལ་པ་མ་འགགས་ཡེ་ཤེས་ལྔ།། སངས་རྒྱས་ཐུགས་རྗེ་མ་འགགས་འབྱུང་བ་ལྔ།། སངས་རྒྱས་མཛད་སྤྱོད་སྤྱན་མངའ་བཅུ
204b3 དྲུག་པདྨོར་འཁྱིལ།། དགོས་དགུ་རང་ལ་རྫོགས་པས་ནོར་བུ་རིན་པོ་ཆེ།། མཚན་མཆོག་སོ་སོར་བསྟན་ཀྱང་ཡོན་ཏན་གཅིག་ཏུ་སྣང་།། སྐུ་གཅིག་ཀུན་ཏུ་ཁྱབ་པས་སྣང་གསལ་ཐུགས་རྗེ་འོད་ཀྱི་མེ། ཞེས་པ་ནི་རྒྱུད་ཀྱི
204b4 ཆེ་བའོ།། ནམ་མཁའ་སྟོང་ལ་ལྷོ་སྤྲིན་གཏིབས་པ་བཞིན།། ཆོས་སྐུ་གཅིག་ལ་ཡོན་ཏན་དོན་བརྗོད་པ།། སྐུ་གསུམ་རྒྱལ་བའི་དགོངས་པ་མཐར་ཕྱིན་སྐུ།། རྒྱ་མཚོ་ཆེ་ལ་ཆུ་བྲན་འདུ་བ་བཞིན།། བྱང་ཆུབ་སེམས་ལ་ཡེ
204b5 ཤེས་དཔག་མེད་འདུ།། མ་སྤངས་མ་བླངས་ཆེད་དུ་བྱར་མེད་ཀྱང་།། བྱང་ཆུབ་སེམས་ཀྱི་རང་བཞིན་དེ་བཞིན་ཉིད།། བསྟན་པའི་སྙིང་པོ་གང་ན་གནས་པ་ན།། དུས་གསུམ་བདེ་གཤེགས་རྣམས་ཀྱང་རང་བཞིན
204b6 ཡོངས་ཀྱིས་འདུ།། གང་ཞིག་བསྟན་པའི་སྙིང་པོ་མེད་པ་ན།། དུས་གསུམ་བདེ་གཤེགས་རྣམས་ཀྱང་མི་ཆགས་མི་གནས་སོ།། སྐུ་གསུང་ཐུགས་ཀྱི་རྒྱུད་ཆེན་གནས་པ་ན།། ཆོས་རྣམས་ཀུན་ཀྱང་དེ་བཞིན་ཉིད་ལ
iiif viewer powered by OpenSeadragon
