| e-texts navigator |
| Wylie |
203b1 ཞིང་ཡངས་སུ་དག་པ་ཡང་།། འཁོར་བའི་འདམ་རྫབ་ཆེན་པོར་འགྱུར་རོ།། ཚད་མེད་པའི་ཐུགས་རྗེ་ཆེན་པོ་བཞི་འཆར་བ་ཡང་། རྩ་བའི་བདུད་ཆེན་པོ་བཞི་རུ་འགྱུར་རོ།། ཆོས་ཀྱི་དབྱིངས་མཐའ་ཀླས་པའི་ཡེ་ཤེས
203b2 ཀྱང་། འཁོར་བའི་མུན་རུམ་ཆེན་པོར་འགྱུར་རོ།། སངས་རྒྱས་ཀྱི་ཆེ་བའི་ཡོན་ཏན་རྣམ་པ་ལྔ་ཡང་།། རང་གི་རྒྱུད་ལ་དུག་ལྔའི་མེ་ཆེན་པོར་གྱུར་རོ།། ཡིད་བཞིན་ནོར་བུ་རིན་པོ་ཆེ་ཟག་པ་མེད་པའི་ཡེ་ཤེས་ཀྱང་།
203b3 བདག་ཏུ་རྟོག་པའི་བག་ཆགས་ཀྱི་གཞི་མ་རིག་པ་ཁོ་ནར་འགྱུར་རོ།། ཀྱེ་རྡོ་རྗེ་འཛིན་པ་ཉོན་ཅིག་ཁྱད་པར་དུ་རྡོ་རྗེ་ཐེག་པ་གཅིག་ཏུ་བསྡུས་ཤིང་།། དམ་དུ་བླངས་ནས་རྡོ་རྗེའི་དམ་དྲལ་ན།། འཇིག་རྟེན་འདིར་ཡང
203b4 མི་བདེ་བ་དང་སྡུག་བསྔལ་དང་ནད་མི་བཟོད་པ་ལུས་ལ་འབྱུང་ཞིང་།། ཚེ་ཐུང་རབ་ཏུ་འཕོས་ནས་ཀྱང་།། འཇིག་རྟེན་འདི་ནས་འདས་ན་ཡང་།། ཉེ་འབྲེལ་དག་ཏུ་སྐྱེ་བར་འགྱུར།། དེ་ལས་ཚེ་ནི་མ་འཕོས
203b5 པར།། དགྲ་ཡི་དམ་པར་གྱུར་ནས་ཀྱང་།། འཇིག་རྟེན་ཕྱི་མ་ངན་འགྲོ་ཡི།། གནས་སུ་ཡང་དག་སྐྱེ་བར་འགྱུར།། ཞེས་གསུངས་སོ།། ཀྱེ་རྡོ་རྗེ་འཛིན་པ་ཉོན་ཅིག། དེ་བཞིན་གཤེགས་པའི་སྒྲ་བསྟན་པ་ནི།། མུ་དུམ་ལ
203b6 རའི་མེ་ཏོག་ལྟ་བུ་སྟེ་ཤིན་ཏུ་དཀོན་ནོ།། ལོ་གཅིག་ལོ་གཉིས་ལོ་གསུམ་དུ་ཕྱི་ནང་སྣོད་བཅུད་བརྟགས་ལ་སེམས་ཀྱི་དམ་པ་བསྟན།། བརྒྱ་ནང་ཨུ་དུམ་ཝ་རའི་རིགས།། གཅིག་གམ་གཉིས་སམ་མང་ན་གསུམ
iiif viewer powered by OpenSeadragon
