| e-texts navigator |
| Wylie |
203a1 པས།། གསུང་ནི་འགག་མེད་ཚངས་པའི་དབྱངས།། བརྗོད་པའི་མཐའ་དང་བྲལ་བའི་ཕྱིར།། གསུང་གི་རྒྱུད་དུ་བསྟན་པ་ནི།། སྣང་བ་མཐའ་ཡས་ཁྱོད་ལ་གཏད།། སེམས་ཅན་ཀུན་གྱི་རང་རྒུད
203a2 ལ།། སངས་རྒྱས་ཀུན་གྱི་ཐུགས་གནས་པ།། རྡོ་རྗེ་ལྟ་བུར་འགྱུར་བ་མེད།། སངས་རྒྱས་ཀུན་གྱི་ཐུགས་འདུས་པས།། ཐུགས་ཀྱི་རྒྱུད་དུ་བསྟན་པ་ནི།། རྡོ་རྗེ་མི་བསྐྱོད་ཁྱོད་ལ་གཏད།། སེམས་ཅན་ཀུན་གྱི་རང་རྒྱུད
203a3 ལ།། སངས་རྒྱས་ཡོན་ཏན་མ་འགགས་པ།། རྟོགས་པའི་དོན་ལ་ཡིད་ཆེས་ཕྱིར།། ཡོན་ཏན་རྒྱུད་དུ་བསྟན་པ་ཡིན།། རིན་ཆེན་འབྱུང་ལྡན་ཁྱོད་ལ་གཏད།། སེམས་ཅན་ཀུན་གྱི་རང་རྒྱུད་ལ།། སངས་རྒྱས་ཕྲིན་ལས
203a4 འགག་མེད་ཚང་།། ནམ་མཁའི་མཐའ་ནས་ཉི་ཤར་བཞིན།། དེ་ཕྱིར་ཕྲིན་ལས་རྒྱས་པའི་རྒྱུད།། དོན་ཡོད་གྲུབ་པ་ཁྱོད་ལ་གཏད།། དེ་ཕྱིར་མགོན་པོ་དྲི་མེད་ངས།། དྲང་སྲོང་ཁྱོད་ལ་གདམས་པ་ཡིན།། དཔེར་ན་སེང
203a5 གེ་དཀར་མོའི་འོ་མ་འདི།། རིན་ཆེན་གསེར་གྱིས་འཛིན་འགྱུར་གྱིས།། སྣོད་ངན་གཞན་དུ་བླུགས་པ་ན།། སྣོད་འཇིག་འོ་མ་འཕོ་བར་འགྱུར།། དེ་བས་གཞན་དུ་བསྟན་པ་མེད།། ཀྱེ་ཀྱེ་རིགས་ཀྱི་བུ་ཁྱོད་ཉོན
203a6 ཅིག། ངས་གདམས་པའི་ཆོས་ལ་དོན་ཐུགས་སུ་ཆུད་པར་མི་བྱེད་ཅིང་། ཚིག་དང་སྒྲ་ཕྱིར་འབྲེངས་ནས་རས་ཆོད་དང་གཟུ་ལུམས་སུ་བྱས་ན།། རྡོ་རྗེ་ལྟ་བུའི་སྐུ་རྡོ་རྗེ་དམྱལ་བ་ཆེན་པོར་འགྱུར་རོ།། སངས་རྒྱས་ཀྱི
iiif viewer powered by OpenSeadragon
