| e-texts navigator |
| Wylie |
202b1 བུའི་ཚུལ་དུ་སྨིན་ནོ།། ཀྱེ་རིགས་ཀྱི་བུ་ང་འོངས་པའི་དུས་སུ་རྒྱུད་ཆེན་པོ་ལྔ་རང་ལ་སྣང་ལ་རང་ལས་གྲོལ། རང་གི་རྣམ་པ་ལྔ་པོ་ཡང་།། རང་གི་ཕྱག་རྒྱ་ལྔ་རུ་སྣང་།། དེ་ཕྱིར་རྒུད་ཆེན་ལྔ་པོ་ཡང་།། དེ་ཕྱིར་དོན་དུ་དེ
202b2 ལྔར་གསུངས།། དེ་ལྔ་རྣམ་པར་གྲོལ་བའི་ལམ།། དེ་ཕྱིར་རྡོ་རྗེ་འཛིན་པ་ངས།། སེམས་ཅན་རྣམས་ལ་ཕན་གདགས་ཕྱིར།། དྲི་མ་མེད་པའི་དྲང་སྲོང་ཁྱོད།། ལེགས་པར་ཡིད་ལ་གཟུང་བར་གྱིས།། མགོན་པོ་དྲི་མ་མེད
202b3 པ་ངས།། མ་སྐྱེས་པ་ཡི་ཀློང་ཡངས་ནས།། གསང་བའི་རྒྱུད་ལྔ་བསྟན་པ་འདི།། ཆོས་སྐུ་གཅིག་ལ་ཐ་དད་པས།། ལྔ་རུ་ཕྱེ་སྟེ་བསྟན་པ་ཡིན།། ཕྱག་རྒྱ་ལྔ་རུ་བསྟན་པ་ཡང་།། དོན་དུ་བདག་ཉིད་ཆེན་པོའི་སྐུ།། རྒྱུད
202b4 ཆེན་ལྔ་ཡི་མདོར་བསྡུས་པ།། ནོར་བུ་དྲི་མ་མེད་པའི་རྒྱུད།། མགོན་པོ་ང་ཡིས་བསྟན་པ་ཡིན།། དེ་ཕྱིར་དྲང་སྲོང་ང་ལ་ཉོན།། ལེགས་སོ་ལེགས་སོ་མགོན་པོ་དྲི་མེད་སྐུ།། ཡེ་ཤེས་དྲི་མ་མེད་པའི་ཆོས།། དྲང་སྲོང
202b5 བདག་ལ་བསྟན་དུ་གསོལ།། སེམས་ཅན་རྣམས་ལ་སྨན་སླད་དུ།། བདག་གིས་དེ་བཞིན་བསྟན་པར་བྱའོ།། སེམས་ཅན་ཀུན་གྱི་རང་རྒྱུད་ལ།། སངས་རྒྱས་ཀུན་གྱི་སྐུ་གནས་པས།། སྐུ་ནི་དྲི་མེད་འོད་ཀྱི་སྐུ།། དངོས
202b6 པའི་མཐའ་ལས་འདས་པ་ཡིན།། ཐོག་མེད་རང་ས་བསྟན་པའི་ཕྱིར།། སྐུ་ཡི་རྒྱུད་དུ་བསྟན་པ་ཡིན།། རྣམ་པར་སྣང་མཛད་ཁྱོད་ལ་གཏད།། སེམས་ཅན་ཀུན་གྱི་རང་རྒྱུད་ལ།། སངས་རྒྱས་ཀུན་གྱི་གསུང་གནས
iiif viewer powered by OpenSeadragon
