| e-texts navigator |
| Wylie |
202a1 གཏེར་སྒྲ། ཐིག་ལེ་ཕྱི་ནང་གི་རྫོང་ལ་ཀུན་བཟང་རོལ་པའི་གཏེར་སྒྲ། ཡིད་ཀྱི་རྣམ་ཤེས་ཀྱི་རྫོང་ལ་རང་བྱུང་ཡེ་ཤེས་ཀྱི་གཏེར་སྦ་སྟེ་མཉམ་པ་ཆེན་པོ་མི་གཡོ་བའི་རྒྱས་བཏབ་པོ།། བྱང་ཆུབ་ཀྱི
202a2 སེམས་ཐུགས་ཀྱི་ཉི་མ་ཞེས་བྱ་བ། སློབ་དཔོན་ཆེན་པོ་རོ་ལངས་བདེ་བས། ཆུ་བོ་ནཻ་རཱཉྫ་ནའི་འགྲམ་ན། ཤིང་ཆེན་པོ་བཞི་འདུས་པའི་གནས་སུ། བྱང་ཆུབ་སེམས་དཔའ་འཇམ་དཔལ་བཤེས་གཉེན་ལ་བཀའ་སྩལ
202a3 ཏོ།། སྟོང་ཐུན་གྱི་མ་གཞི་ཆུང་ཤོས་ལས་མན་ངག་ཏུ་བསྟན་པ་སྟེ་ལེའུ་བདུན་པའོ།། །། རྒྱ་གར་སྐད་དུ། བུདྡྷ་པཉྩ་ཏནྡྷ་བ་བཱ་ད་ནི་ཀྵེ་པ་ནཱ་མ། བོད་སྐད་དུ། སངས་རྒྱས་ཀྱི་རྒྱུད་ལྔ
202a4 གདམས་པར་བཞག་པ་ཞེས་བྱ་བ། བྷ་ག་བཱན་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།། ཐོག་མ་འདས་པའི་དུས་མ་འོངས་པའི་སྔོན་རོལ་ན། གསང་བའི་རྒྱུད་ལྔ་རང་བཞིན་གྱི་ངོ་བོ་ཆེན་པོ་ལྔར་གནས
202a5 ཏེ། ཅང་མི་གསུང་ཅང་མི་གྲག་བྱེད་པོའི་མཐའ་ལས་འདས་སོ།། ང་མེད་པའི་དུས་སུ་སྣང་བའང་མེད་དོ།། བྱེད་པ་པོ་ང་མེད་ལ། དཔེར་ན་སྙིང་པོ་མྱུ་གུར་གནས་པ་བཞིན་ཏེ། ས་བོན་མྱུ་གུར་གནས་པའི་ཚེ། ས་བོན
202a6 ཀྱང་མེད་ལ་འབྲས་བུར་ཀྱང་མི་སྣང་བར་མྱུ་གུ་འབའ་ཞིག་ཏུ་གནས་སོ།། དེ་བཞིན་དུ་བསྐལ་པ་དང་པོ་ལ་ས་བོན་གྱི་ཚུལ་དུ་གནས་སོ།། བསྐལ་པ་བར་པ་ལ་མྱུ་གུའི་ཚུལ་དུ་གནས་སོ།། བསྐལ་པ་ཐ་མ་ལ་འབྲས
iiif viewer powered by OpenSeadragon
