| e-texts navigator |
| Wylie |
201a1 མ་གང་ལ་ཡང་མི་གནས་པའོ།། ཡང་དག་པར་རྫོགས་པའི་སངས་རྒྱས་ལ་སྒྲིབ་པ་སྦྱང་དུ་མེད་དོ།། ཅི་སྟེ་ཉི་མའི་སྙིང་པོ་ལ་མུན་པའི་གཞི་མེད་དོ།། ཞེས་རྡོ་རྗེ་སེམས་དཔའ་རིན་པོ་ཆེ་ཟ་མ་ཏོག
201a2 སྒྲགས་མའི་མན་ངག། རྡོ་རྗེ་ཐུགས་ཀྱི་ཉིང་ཁུར་ཕྱུང་བའི་ལེའུ་ཞེས་བྱ་བ་སྟེ་དྲུག་པའོ།། །། རྒྱ་གར་སྐད་དུ། བོ་དྷི་ཙིཏྟ་པུཀྐ་སཱཪྻ་ན་མ། བོད་སྐད་དུ། བྱང་ཆུབ་སེམས་ཐུགས་ཀྱི་ཉི་མ་ཞེས
201a3 བྱ་བ། བཅོམ་ལྡན་འདས་རྣམ་པར་སྣང་མཛད་མངོན་པར་བྱང་ཆུབ་པ་ཉིད་ལ་ཕྱག་འཚལ་ལོ།། བྱང་ཆུབ་ཀྱི་སེམས་ཐུགས་ཀྱི་ཉི་མ་ལ་བཞི་སྟེ། གཞི་ཡི་གནས་ལུགས་བསྟན་པ་དང་། དེ་ལ་འཁྲུལ་པ་འབྱུང་བའི་རྐྱེན
201a4 བསྟན་པ་དང་། འཁྲུལ་པ་བཟློག་པའི་ཐབས་བསྟན་པ་དང་། རང་གི་ངོ་བོ་ལ་འབྲས་བུ་དང་བཅས་པར་བསྟན་པའོ།། དེ་ལ་གནས་ལུགས་ལ་དྲུག་སྟེ། ཆོས་ཀྱི་སྐུའི་གནས་ལུགས་དང་། རང་བྱུང་ཡེ་ཤེས་ཆེན་པོའི
201a5 གནས་ལུགས་དང་། སྐུའི་གནས་ལུགས་དང་། གསུང་གི་གནས་ལུགས་དང་། ཐུགས་ཀྱི་གནས་ལུགས་དང་། དབྱིངས་ཀྱི་གནས་ལུགས་སོ།། རྐྱེན་བསྟན་པ་ལ་བཞི་ལས། བྱང་ཆུབ་ཀྱི་སེམས་ནོར་བུ་དྲི་མ་མེད་པའི
201a6 རྒྱུད་དང་། ཐུགས་ཀྱི་ཉིང་ཁུར་བལྟ་བའོ།། འཁོར་བ་བཟློག་ན་གཞི་ནས་བཟློག། མ་རིག་པ་ཉིད་རྩད་ནས་བཅད། རང་རིག་དང་པོ་སོ་ལ་བཞག་ཅེས་འབྱུང་སྟེ། དེའི་དོན་ལ་བདུན་ཏེ། ཆོས་ཀྱི་མཐར་གཏུགས།།
iiif viewer powered by OpenSeadragon
