| e-texts navigator |
| Wylie |
200b1 གནས།། མན་ཤེལ་ལྟ་བུར་རང་དག་པས།། སྣང་བའི་བྱེ་བྲག་སྣང་མོད་ཀྱང་།། རང་གི་ངོ་བོ་འགྱུར་བ་མེད།། ཀྱེ་རྡོ་རྗེ་འཛིན་པ་ཉོན་ཅིག། རྣམ་པར་དག་པའི་སྐུ་བདེ་བ་ཆེན་པོ་ལ། ཡེ་ཤེས་ཀྱི་གྲོགས་བྱར་མེད
200b2 དོ།། རང་རིག་པའི་ཡེ་ཤེས་དངོས་པོའི་མཐའ་ལས་འདས་པས། ཉོན་མོངས་པའི་རྣམ་རྟོག་གིས་སྒྲིབ་པ་མེད་དོ།། རང་གི་ངོ་བོ་ཤེས་བྱ་བབ་ཀྱིས་གྲུབ་པ་ལ། སངས་རྒྱས་ཀྱི་ཆེ་བའི་ཡོན་ཏན་གྱིས་བསྟོད་དུ་མེད
200b3 དོ།། ཀ་ནས་དག་པའི་ཡེ་ཤེས་རང་སྣང་བ་ལ། བསླད་པར་བྱ་བའི་ཆོས་མེད་དོ།། ཐབས་ཀྱི་རྒྱལ་པོར་སྟོབས་ཀྱི་རིག་པ་ཤར་བས། ཆེ་བའི་ཡོན་ཏན་གཞན་གྱིས་དཔག་ཏུ་མེད་དོ།། ཤེས་རབ་ཟབ་མོ་ཆུ་བོ་གང་གཱའི
200b4 རྒྱུན་བཞིན་མི་འཆད་པས། ཐུགས་རྗེ་ལ་དབྲི་བཀོལ་མེད་དོ།། རིག་པ་ཡེ་ཤེས་སུ་གསལ་བས། དུས་གསུམ་གྱི་སངས་རྒྱས་དང་དབྱེར་མི་ཕྱེད་དོ།། སྙིང་རྗེ་སྣ་ཚོགས་སུ་སྣང་བས། ཁམས་གསུམ་སེམས་ཅན་དང
200b5 འབྲེལ་ལོ།། རྒྱུ་འབྱུང་བ་ཆེན་པོ་ལྔ་མ་སྤངས་གནས་སུ་དག་པས། སྣོད་བཅུད་ཀྱི་གསོས་བྱས་སོ།། ཀྱེ་རྡོ་རྗེ་འཛིན་པ་ཉོན་ཅིག། ཡང་དག་རྫོགས་པའི་སངས་རྒྱས་ལ་ཆོས་མེད་དོ།། ཅི་སྟེ་ངན་སོང་གི་མཐའ་ལས
200b6 གྲོལ་བའོ།། ཡང་དག་པར་རྫོགས་པའི་སངས་རྒྱས་ལ་ལམ་མེད་དོ།། ཅི་སྟེ་བགྲོད་པར་བྱ་བའི་མཐའ་ལས་འདས་སོ།། ཡང་དག་པར་རྫོགས་པའི་སངས་རྒྱས་ལ་ཚོགས་བསག་ཏུ་མེད་དོ།། ཅི་སྟེ་དངོས་པོའི་མཚན
iiif viewer powered by OpenSeadragon
