| e-texts navigator |
| Wylie |
200a1 གཞི་ལ་ཐིམ།། དེ་ནས་བར་གྱི་བསྐལ་པ་ལ།། ཡེ་ཤེས་ཕྱེའོ་ལུང་མ་བསྟན།། ཡེ་ཤེས་སྣང་བ་ནང་དུ་འཆར་མ་ནུས་སོ།། འཁྲུལ་པའི་རྟོག་པ་ཡང་སྐྱེ་བར་མ་ནུས་སོ།། དེ་ལ་གནས་པའི་དུས་སུ་རྡོ་རྗེ་མི
200a2 བསྐྱོད་པ་ཞེས་བྱ་བ་སྟེ། རིག་པ་རང་གི་སོ་ལ་གནས་སོ།། ཡེ་ཤེས་བག་ལ་ཞའོ།། བསྐལ་པ་བར་ལ་སྣོད་ཀྱི་འཇིག་རྟེན་ཆགས། དེ་ནས་བསྐལ་པ་ཐ་མ་ལ། སྐྱེ་བ་རྣམ་བཞིའི་སྲིད་པ་ཆགས་སོ།། གཟུགས་ཀྱི་བྱེ་བྲག
200a3 སོ་སོ་ཐ་དད་དུ་ཆགས་ཀྱང་། རྡོ་རྗེ་མི་བསྐྱོད་པ་སྤྱི་ལ་གནས་སོ།། མི་བསྐྱོད་པ་མ་བགོས་སྤྱི་ལ་གནས། མ་བགོས་སོ་སོར་ཁྱབ་པོ།། རང་གི་ངོ་བོ་སངས་རྒྱས་འོད་སྲུངས་ཆེན་པོར་སྐུ་སྤྲུལ་ནས། སངས་རྒྱས་དང
200a4 སེམས་ཅན་རྒྱབ་གྱེས་ཏེ་བསྟན་པ་གནས་སོ།། ཐོག་མའི་སངས་རྒྱས་འོད་ཀྱི་སྐུར་སྣང་། བར་གྱི་སངས་རྒྱས་ནམ་མཁའ་ལྟ་བུར་སྣང་། ཕྱིས་འབྱུང་གི་སངས་རྒྱས་གཟུགས་ཀྱི་སྐུར་གནས་སོ།། དེ་རྣམས་ཀྱང་དོན་སོ
200a5 སོ་ཟ་མི་དད་དོ།། ཕྱི་སྣོད་ཀྱི་འཇིག་རྟེན་འབྱུང་བ་ལྔ་དང་བཅས་པ། དང་པོ་འོད་དཔག་མེད་པ་ལས་བྱུང་། མི་བསྐྱོད་པའི་བསྐལ་པ་ཆགས། འོད་སྲུངས་ཀྱི་བསྐལ་པ་ལ་གནས་སོ།། བསྐལ་པ་གསུམ་དུ་གནས་མོད
200a6 ཀྱང་། སྙིང་པོའི་དོན་ལ་འགྱུར་བ་མེད།། རྡོ་རྗེ་ལྟ་བུའི་སྐུ་བརྙེས་པས།། བཅོམ་ལྡན་རྡོ་རྗེ་དབྱིངས་མི་བསྐྱོད།། རང་བྱུང་ལྷུན་རྫོགས་སྐུ་གསུང་ཐུགས།། སྐུ་གཅིག་ཀུན་ཏུ་ཁྱབ་པའི་སྐུ།། ཉི་མའི་སྙིང་པོ་ལྟ་བུར
iiif viewer powered by OpenSeadragon
