| e-texts navigator |
| Wylie |
199b1 རྒྱ་གར་སྐད་དུ། བཛྲ་སཏྭ་རཏྣ་ཀ་རཎྜ་ཀ་སརྦྦཱམྦྷ་ཡ། བོད་སྐད་དུ། རྡོ་རྗེ་སེམས་དཔའ་རིན་པོ་ཆེའི་ཟ་མ་ཏོག་སྒྲགས་མའི་མན་ངག། བསྐལ་པ་དང་པོའི་སངས་རྒྱས་འོད་མི་འགྱུར་བ་ལ་ཕྱག་འཚལ
199b2 ལོ།། བསྐལ་པ་གསུམ་གྱི་སངས་རྒྱས་རང་རིག་མ་བཅོས་དེ་བཞིན་ཉིད།། ཐོག་མར་རང་བྱུང་ཡེ་ཤེས་པས།། རྒྱུ་མེད་མྱུ་གུ་མེ་ཏོག་འབྲས།། རྟེན་མེད་ནམ་མཁར་ཉི་སྣང་ཚུལ།། ཡེ་ཤེས་ལྔ་ཡི་གཟུགས་བརྙན
199b3 ཅན།། གནས་མེད་གནས་ལ་འོད་གསལ་བ།། རང་བཞིན་རྣམ་དག་རྟོག་མེད་སྐུ།། འཛིན་རྟོག་མི་མངའ་ས་ལེར་མཁྱེན།། མ་བཙལ་ལྷུན་གྱིས་གྲུབ་པའི་འོད།། དཔག་མེད་གསལ་བའི་ངོ་བོར་གནས།། མི་འབྱེད
199b4 ཤེས་རབ་འོད་གསལ་བ།། སྣང་བ་དངོས་མེད་འཇའ་ཚོན་སྐུ།། འགག་མེད་མི་གཡོ་བདེ་ལྡན་ཐིམ།། དེ་ཉིད་ཡེ་ཤེས་རང་བྱུང་སྐུ།། རང་བཞིན་ལྷུན་གྱིས་གྲུབ་པ་ཡིན།། དེས་ན་རིག་པའི་ངོ་བོ་ནི།། འགག་པ་མེད
199b5 པའི་རང་བཞིན་གྱིས།། འགྱུར་བ་མེད་ལས་འགྱུར་བ་འོངས།། སྐད་ཅིག་མ་ཡི་ཚུལ་དུ་བྱུང་།། དེ་ཉིད་ཤེས་པས་བལྟས་པ་ལས།། སྐད་ཅིག་མ་ཡི་ཤེས་པ་འབྱུང་།། དེ་ལས་སེམས་ཀྱི་རྣམ་པ་བྱུང་།། སྐད་ཅིག་མ་ཡི།
199b6 རྣམ་པ་དེ།། གཅིག་འགག་གཅིག་སྐྱེ་གཅིག་གནས་པས།། སྐད་ཅིག་ཕྱི་མ་སྐྱེ་བ་དེ།། ནམ་མཁའ་སྟོང་ལས་སྤྲིན་གྱི་ཚུལ།། དེ་ལས་བདག་ཏུ་སྣང་བའི་བློས།། ཅུང་ཟད་འཁྲུལ་པའི་རྐྱེན་གཞི་ཤར།། ཡེ་ཤེས་སྣང་བ
iiif viewer powered by OpenSeadragon
