| e-texts navigator |
| Wylie |
197b1 ཡང་བསྡུས་ཏེ་བསྟན་པའོ།། དེ་ལ་རྒྱས་པ་ནི་རྒྱུད་དུ་བཤད། བསྡུས་པ་དཔེ་ཆུང་དུ་བསྟན། ཤིན་ཏུ་བསྡུས་པ་ནི་ལུང་གསེར་གྱི་ཕུར་པར་བསྟན་ནོ།། དེ་ལ་དོན་བདུན་གྱིས་བསྟན་པ་དང་པོ།། རྡོ་རྗེ་སེམས་དཔའ
197b2 གཞིའི་གནས་ལུགས་ཀྱིས་འཁོར་བ་ཐོག་མཐའ་བཅད། རིན་པོ་ཆེ་ཟ་མ་ཏོག་སྒྲགས་མས་ཐོག་མའི་སངས་རྒྱས་ངོ་སྤྲད། ལྟ་བ་ཁ་འབྱམས་ཀྱི་རྒྱལ་པོས་གཉའ་གནོན། རིན་པོ་ཆེ་སྤྱི་བཅིངས་ཀྱིས་དོན་ཉམས་སུ
197b3 བླངས། པདྨ་འཁྱིལ་པའི་དཔེ་ཉི་ཤུ་རྩ་གཅིག་གིས་དོན་མན་ངག་ཏུ་བསྡུས། ལུང་གསེར་གྱི་ཕུར་པས་ཚིག་དང་ཡི་གེའི་ཐག་བཅད། མདོ་རྣམ་པ་གཉིས་ཀྱིས་ལས་ཀྱི་མཐའ་བསྡུའོ།། བྱང་ཆུབ་ཀྱི་སེམས་པདྨ་འཁྱིལ
197b4 པའི་དཀྱུས་ཀྱི་རྩ་བ་མདོར་བསྡུས་ཏེ་བསྟན་པའོ།། སློབ་དཔོན་དགའ་རབ་རྡོ་རྗེས་མུན་པའི་སྒྲོན་མ་བསྟན་པའི་ལེའུ་སྟེ་གསུམ་པའོ།། །། རྒྱ་གར་སྐད་དུ། རཏྣ་ཛྭ་ལ་ཀོ་ཥ་ནཱ་མ། བོད་སྐད
197b5 དུ། རིན་པོ་ཆེ་དྲ་བའི་མཛོད་ཅེས་བྱ་བ། སངས་རྒྱས་འོད་དཔག་མེད་ལ་ཕྱག་འཚལ་ལོ།། འགྲོ་མགོན་འཇམ་དཔལ་གཞོན་ནུ་ངས།། ཐོག་མའི་སངས་རྒྱས་ངོ་བསྟན་པ།། མགོན་པོ་དྲི་མེད་ཡེ་ཤེས་སྐུ།། རིན་ཆེན་དྲ
197b6 བའི་མཛོད་ན་གནས།། འགྲོ་དྲུག་ཀུན་གྱི་ཐུགས་ཀྱི་མཆོག། ཡེ་ཤེས་སྐུ་གཅིག་ཀུན་ཏུ་ཤར།། ཡི་གེ་ལྔ་ལ་ཕྱག་རྒྱ་སྟེ།། རྡོ་རྗེའི་སྐུ་གཅིག་ཀུན་ཏུ་བསྡུས།། ཡོན་ཏན་སོ་སོའི་དཔེ་རུ་བསྟན།། མགོན་པོ་དྲི་མེད
iiif viewer powered by OpenSeadragon
