| e-texts navigator |
| Wylie |
196b1 སྩལ་པ། པཎྜི་ཏ་དགའ་རབ་རྡོ་རྗེས་དབུ་ཞབས་ཀྱི་དོན་བསྡུས་པ་ནི། བྱང་ཆུབ་ཀྱི་སེམས་མུན་པའི་སྒྲོན་མ་འདི་ལ་དབུ་ཞབས་སུ་སྤྱི་དོན་རྣམ་པ་གསུམ་གྱིས་བསྟན་ཏེ། སངས་རྒྱས་དགོངས་པས་བརྒྱུད་པ་དང་།
196b2 རིག་འཛིན་བརྡ་ཡིས་བརྒྱུད་པ་དང་། གང་ཟག་རྣ་བས་བརྒྱུད་པ་དང་གསུམ་ལས། དང་པོ་ཆོས་ཀྱི་དབྱིངས་ཀྱི་ཕོ་བྲང་དུ། སངས་རྒྱས་འོད་མི་འགྱུར་བས། ལོངས་སྤྱོད་རྫོགས་པའི་སྐུ་རིགས་ལྔའི་བདེ་བར་གཤེགས
196b3 པ་རྣམས་ལ། བཤད་ཀྱང་ས་མ་ཏིས་བཤད། མཉན་ཡང་ས་མ་ཏིས་མཉན་ནོ།། དེ་ནས་འོག་མིན་གྱི་གནས་རྡོ་རྗེ་དབྱིངས་ཀྱི་དཀྱིལ་འཁོར་དུ། རིགས་ལྔའི་བདེ་བར་གཤེགས་པ་རྣམས་ཀྱིས། འཁོར་ས་བཅུའི་བྱང
196b4 ཆུབ་སེམས་དཔའ་རྣམས་ལ། བཤད་ཀྱང་ས་མ་ཏིས་བཤད། མཉན་ཡང་ས་མ་ཏིས་མཉན་ནོ།། དེ་ནས་ས་བཅུའི་བྱང་ཆུབ་སེམས་དཔའ་རྣམས་ཀྱིས། ལྕང་ལོ་ཅན་གྱི་ཕོ་བྲང་དུ་སྤྲུལ་པའི་སྐུ་སངས་རྒྱས་འོད་སྲུངས
196b5 ལ། འཆི་མེད་རྡོ་རྗེའི་ལུང་བསྟན་ནས། དུས་གསུམ་གྱི་སངས་རྒྱས་དང་གཉིས་སུ་མེད་པར་བཞུགས་སོ།། པཎྜི་ཏའི་བརྡའི་སྒོ་ནས་བསྟན་པ་ལ་གསུམ་སྟེ། བརྡ་སྒྲའི་སྒོ་ནས་བསྟན་པ་དང་། ངག་དང་ཏིང་ངེ་འཛིན་གྱི
196b6 སྒོ་ནས་བསྟན་པ་དང་། ཤེས་རབ་དང་རང་རྒྱུད་ཀྱི་སྒོ་ནས་བསྟན་པའོ།། བརྡ་རྣམ་པ་གསུམ་གྱི་སྒོ་ནས་བསྟན་པ་དང་། སྒྲ་རྣམ་པ་དྲུག་གིས་བསྟན་པའོ།། ངག་འཇམ་པའི་སྒོ་ནས་བསྟན་པ་དང་། ཏིང་ངེ་འཛིན་མ
iiif viewer powered by OpenSeadragon
