| e-texts navigator |
| Wylie |
196a1 ལས་ཀྱི་མཐའ་ལ་མི་གནས་པ་ནི། སངས་རྒྱས་ཉིད་ཀྱི་ལུང་གིས་བསྟན་ཏེ། ཇི་སྟེ་ལས་ཀྱི་དབང་གྱུར་ན་ཞེས་པའི་ཚིག་གིས་བསྟན་ཏེ། ལས་ཀྱི་མཐའ་ལ་མི་གནས་བྱ་བ་ཙམ་ལ་ཡང་གནས་སུ་མེད།།
196a2 རང་བཞིན་ཆེན་པོ་ཚིག་གི་མཐའ་དང་བྲལ་བ་ནི། རེ་ཞིག་བསྟན་ན་བྱང་ཆུབ་སེམས་རིན་པོ་ཆེ་སྤུངས་པ་ནས་བསྟན་ཏོ།། དོན་དེ་ཐུགས་སུ་ཆུད་པར་བྱ་བ་ནི།། བྱང་ཆུབ་ཀྱི་སེམས་པདྨ་འཁྱིལ་པ་དབུ་ཞབས་ན
196a3 བཞུགས་ཏེ། དེ་ཡང་བྱང་ཆུབ་སེམས་རྡོ་རྗེ་རྩེ་མོ་འདུས་པས་དགྲོལ་བར་བྱའོ།། མན་ངག་གི་རྒྱུད་གསུམ་གཏན་ལ་དབབ་ཅིང་ཡིད་ཆེས་པར་བྱ་བར་ཆེད་དུ་གདམས་པའི་རྒྱུད་བཅུ་དྲུག་གིས་བསྣན་ནས། བཤད་པའི
196a4 རྒྱུད་གཉིས་ཀྱིས་མཐོ་དམན་ཀློང་དུ་ཁོད་བསྐམས་ཏེ་གདམས་པའོ།། དེ་ལ་པདྨ་འཁྱིལ་པའི་རྒྱུད་ནི་རིན་པོ་ཆེ་རྩར་ལ་བརྒྱུས་པ་བཞིན་དུ་བཤད་དོ།། རྡོ་རྗེ་རྩེ་མོ་འདུས་པའི་རྒྱུད་ནི། གྱི་ལིང་སྒྲོག་བཀྲོལ་བའམ།
196a5 རིན་པོ་ཆེ་བང་མཛོད་ཀྱི་སྒོ་ལྕགས་བཀྲོལ་བའི་ཚུལ་དུ་བཤད་དོ།། རིན་པོ་ཆེ་སྤུངས་པའི་རྒྱུད་ནི། ཁྱུང་ནམ་མཁའ་ལ་ལྡིང་བའི་ཚུལ་དུ་བཤད་དོ།། བསོད་ནམས་བྱམས་པ་བརྩེགས་པའི་རྒྱུད་ནི། མཆོད་རྟེན་གྱི་ཁྲི
196a6 འཕང་གི་ཚུལ་དུ་ཡས་འཛེགས་ཀྱིས་བཤད་དོ།། མཁའ་གསལ་ཉི་མའི་རྒྱུད་ནི། ཉི་མ་དང་ནམ་མཁའི་ཚུལ་དུ་བཤད་དོ།། སངས་རྒྱས་ཀྱི་རྒྱུད་རྣམ་པ་ལྔ་པོ་འདི་ནི། བཅོམ་ལྡན་འདས་རྡོ་རྗེ་འཛིན་པ་ཆེན་པོས་བཀའ
iiif viewer powered by OpenSeadragon
