| e-texts navigator |
| Wylie |
195b1 ཀྱིས་མ་ནོར་བར་བྲིས་ཏེ་ཕྱིས་འབྱུང་བར་བསྟན་པས་ལུང་ཡང་ཡིན་ནོ།། ལུང་དེ་གང་ཟག་རྣམ་པར་གྲོལ་བའི་ཡེ་ཤེས་ཐོབ་པར་བྱེད་པས་མན་ངག་ཀྱང་ཡིན་ནོ།། མན་ངག་དེ་སྤྱོད་དུ་མི་སྟེར་བའི་མུ་སྟེགས་ལོག་ལྟ
195b2 ཅན་ཚར་གཅད་པའི་ཕྱིར། སྒྲུབ་ཐབས་ཀྱི་ལེ་ལག་བསྟན་པས་ནོ་བི་ཀ་ཡང་ཡིན་ནོ།། དེ་ཡི་ཕྱིར་པདྨ་འཁྱིལ་པའི་རྒྱུད་ནི། སངས་རྒྱས་ཀུན་གྱི་རྒྱུད་ལྔའི་རྩ་བ་ཡིན་ནོ།། བྱང་ཆུབ་སེམས་གསང་བ་བསྡུས་པ་ལས།།
195b3 རྒྱུད་ཅི་ལྟར་བྱུང་བའི་བྱུང་ཁུངས་དང་། ཡོན་ཏན་བསྟན་པའི་ལེའུ་སྟེ་གཉིས་པའོ།། །། བཅོམ་ལྡན་འདས་འཇམ་དཔལ་གསང་བའི་དབྱངས་ལ་ཕྱག་འཚལ་ལོ།། བྱང་ཆུབ་ཀྱི་སེམས་མུན་པའི་སྒྲོན་མ་ཞེས
195b4 བྱ་བ། ཆུ་བོ་སིནྡྷུ་དང་། ཆུ་བོ་ཆེན་པོ་གངྒཱའི་མཚམས་སུ་སངས་རྒྱས་འོད་སྲུངས་ཀྱིས་གཟིགས་པ་རྣམ་པ་གཉིས་སུ་གཟིགས་ཏེ། སེམས་ཅན་གྱི་བློའི་བྱེ་བྲག་དང་སྦྱར་ནས། རྒྱུ་འབྲས་ཀྱི་ཆོས་གཉིས་བཀའ་སྩལ་ཏེ།
195b5 ལས་ཀྱི་མཐའ་བརྩི་བ་དང་། ལས་ཀྱི་མཐའ་མི་བརྩི་བ་གཉིས་ལས། དེ་ལ་ལས་ཀྱི་མཐའ་བརྩི་བ་ལ།། ལས་ཀྱི་མཐའ་རྫོགས་པ་དང་། ལས་ཀྱི་མཐའ་ལ་མི་གནས་པའོ།། དེ་ཡི་ལས་ཀྱི་མཐའ་བརྩི་བ་ལ། ཕ་རོལ
195b6 ཏུ་ཕྱིན་པ་ལྔའི་བསྒོམ་ལམ་ནས་འཇུག་སྟེ། རྒྱུའི་ཆོས་སུ་བསྟན། ལས་ཀྱི་མཐའ་རྫོགས་པ་ལ་ཐབས་ཁྱད་པར་ཅན་དུ་གྱུར་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པས་བསྟན་ཏེ། ལུང་གསེར་གྱི་ཕུར་པས་བསྟན་ཏོ།།
iiif viewer powered by OpenSeadragon
