| e-texts navigator |
| Wylie |
195a1 དག་པའི་ཕྱིར།། རྡོ་རྗེ་འཛིན་ལ་བཀའ་སྩལ་ཏོ།། དེ་ནས་སངས་རྒྱས་རྡོ་རྗེ་འཛིན་ཆེན་པོའི་དགོངས་པ་སེམས་ཅན་གྱི་གཞི་ལ་གནས་པའི་ཕྱིར། སྐུའི་རྒུད་པདྨ་འཁྱིལ་པ་བསྟན། བླ་མའི་ཞལ་ནས
195a2 དཀྱུས་དང་སྦྱར་བའི་ཕྱིར། གསུང་གི་རྒྱུད་རྡོ་རྗེ་རྩེ་མོ་འདུས་པ་བསྟན། སངས་རྒྱས་ཀྱི་དགོངས་པ་ལ་བཟླ་བའི་ཕྱིར། ཐུགས་ཀྱི་རྒྱུད་རིན་པོ་ཆེ་སྤུངས་པའི་རྒྱུད་བསྟན། མ་འོངས་པའི་སེམས་ཅན་ཡིད་ཆེས་པར་བྱ་བ
195a3 དང་། སངས་རྒྱས་ཀྱི་དགོངས་པ་ཉིད་ནས་ཉིད་དུ་བསྟན་པའི་ཕྱིར། ཡོན་ཏན་གྱི་རྒྱུད་བསོད་ནམས་བྱམས་པ་བརྩེགས་པ་བསྟན། སེམས་ཅན་རྣམས་ལ་འབྲས་བུའི་བསྟན་པ་རྒྱས་པར་བསྟན་པའི་ཕྱིར། ཕྲིན་ལས
195a4 ཀྱི་རྒྱུད་མཁའ་གསལ་གྱི་ཉི་མ་བསྟན། སྤྱིར་སངས་རྒྱས་ཀྱིས་གསུངས་པའི་རྒྱུད་ལྔ་ལ། སྒོ་བརྩེགས་སུ་ཕྱེ་བའི་རྒྱུད་བུམ་ཆུང་ཉི་ཤུ་རྩ་གཅིག་ཏུ་ཕྱེ་སྟེ་བསྟན་ནོ།། སྤྱི་རྒྱུད་ལྔ་ལ། མན་ངག་གི་རྒྱུད་གསུམ། གདམས
195a5 པའི་རྒྱུད་བཅུ་དྲུག། བཤད་པའི་རྒྱུད་གཉིས་ཏེ་ཉི་ཤུ་རྩ་གཅིག་གོ། བྱང་ཆུབ་ཀྱི་སེམས་པདྨ་འཁྱིལ་པའི་རྒྱུད་འདི། རྒྱུད་ཀྱང་ཡིན་ལུང་ཡང་ཡིན། མན་ངག་ཀྱང་ཡིན། ནོ་བི་ཀ་ཡང་ཡིན་ནོ།། ཀུན་ཏུ་བཟང་པོ་རྩ་བའི
195a6 རྒྱུད་ཆེན་པོ་ཡི་གེ་མེད་པའི་རྒྱུད་ནས་གསུངས་ཏེ། གང་ཟག་གི་རྣ་བ་ནས་རྣ་བར་བརྒྱུད་པའི་ཕྱིར་རྒྱུད་ཀྱང་ཡིན་ནོ།། རྒྱུད་དེ་ལྟ་བུ་སྟོན་པའི་ཞལ་ནས་གསུངས་པར་ལུང་བསྟན་པ་སྟེ། བྱང་ཆུབ་སེམས་དཔའ་རྣམས
iiif viewer powered by OpenSeadragon
