| e-texts navigator |
| Wylie |
194a1 རྒྱ་གར་སྐད་དུ། བཛྲ་གྲ་ས་མུ་ད་ཡ་ཏནྟྲ། བོད་སྐད་དུ། རྡོ་རྗེ་རྩེ་མོ་འདུས་པའི་རྒྱུད། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས
194a2 དཔལ་རྡོ་རྗེ་སེམས་དཔའི་ཐུགས་ལས་བཀྲོལ་བའི་རྒྱུད། ཞལ་ནས་གསུངས་པའི་ཕྱིར་ལུང་། རྣ་བ་ནས་རྣ་བར་བརྒྱུད་པའི་ཕྱིར་མན་ངག་འདི་ལ། སྤྱི་དོན་རྣམ་པ་གསུམ་གྱིས་བསྟན་ཏེ། རྡོ་རྗེ་རྩེ་མོ་འདུས་པའི་རྒྱུད
194a3 འདི་ལ་རྒྱུད་ཡིན་པའི་ཕྱིར་ཕུན་སུམ་ཚོགས་པ་ལྔས་བསྟན། ལུང་ཡིན་པའི་ཕྱིར་ལུང་གི་ཆེ་བ་ལྔས་བསྟན། མན་ངག་ཡིན་པའི་ཕྱིར་མན་ངག་གི་མཛོད་གསུམ་གྱིས་བསྟན་ཏོ།། དེ་ལ་དུས་སུམ་ཚོགས་པ་སྣང་བ
194a4 བཀོད་པའི་ཞིང་ཁམས་གནས་ཕུན་སུམ་ཚོགས་པ་ལྕང་ལོ་ཅན་གྱི་ཞིང་ཁམས། སྟོན་པ་ཕུན་སུམ་ཚོགས་པ་སངས་རྒྱས་འོད་སྲུངས། ཆོས་ཕུན་སུམ་ཚོགས་པ་གསང་བའི་རྒྱུད་ལྔ། འཁོར་ཕུན་སུམ་ཚོགས་པ་སངས
194a5 རྒྱས་རབས་བདུན་ནོ།། ལུང་ཡིན་པའི་ཕྱིར་ལུང་ཡིན་པར་ལྔས་བསྟན་ཏེ། རྡོ་རྗེ་སེམས་དཔའི་ཞལ་ནས་གསུངས་པའི་ཕྱིར། ལུང་གཞན་ལ་མ་བརྟེན་པས་ལུང་གིས་ཡིད་ཆེས་པའི་ཆེ་བའོ།། སྐུ་རྣམ་པར་དག་པ་ད།
194a6 པོ་རྒྱུ་མེད། བར་དུ་རྐྱེན་མེད། ཐ་མར་མི་འགྱུར་བས། འགྱུར་བ་མེད་པ་ནམ་མཁའི་ལུང་གིས་ཆེ་བའོ།། སྟོན་པའི་ཞལ་ནས་གསུངས་པའི་ཚིག་འབྲུ་གཉེར་ལེགས་ཤིང་དོན་དེ་བཞིན་ཉིད་ལས་མི་འགྱུར་བས་ལུང་གི
iiif viewer powered by OpenSeadragon
