| e-texts navigator |
| Wylie |
193a1 རང་བྱུང་གི་ཡེ་ཤེས་ཆེན་པོ་ལ་ཆོས་མི་གནས་པའི་ཆོས་བསྟན་པའོ།། འཁོར་ཆེན་པོ་ལྔ། འདུས་པའི་འཁོར་རྣམས་ལ་རང་རེ་འདུས་པའི་དོན་དུ་གསལ་བའི་རྒྱུད་ལྔ་གསུངས་སོ།། ཀྱེ་འདུས་པའི
193a2 ཚོགས་རྣམས་ང་ལ་ཉོན། ང་ནི་སངས་རྒྱས་ཀུན་གྱི་སྐུ།། ཡེ་ཤེས་ལུས་ཅན་དྲི་མ་མེད།། ང་ནི་སངས་རྒྱས་ཀུན་གྱི་གསུང་།། ཡི་གེ་མེད་པས་ཚིག་ལས་འདས།། ང་ནི་སངས་རྒྱས་ཀུན་གྱི་ཐུགས།། དྲན་རྟོག་མེད་པས
193a3 མྱ་ངན་འདས།། ང་ནི་ཡོན་ཏན་དཔག་མེད་སྐུ།། ནོར་བུ་རིན་ཆེན་དྲི་མེད་མཉམ།། ང་ནི་ཕྲིན་ལས་མཐར་ཕྱིན་སྐུ།། འགྲོ་བའི་མགོན་པོ་དེ་བཞིན་གཤེགས།། དེ་ནས་འདུས་པའི་ཚོགས་རྣམས་ཀྱིས།། རང་རང་རིགས
193a4 ཀྱི་རྒྱུད་ཤེས་པས།། མགྲིན་གཅིག་ཐལ་མོ་མཉམ་སྦྱར་ནས།། ལེགས་སོ་དཔལ་མགོན་ནག་པོ་ཆེ།། ལེགས་སོ་ལེགས་སོ་དེ་ལེགས་སོ།། དྲི་མ་མེད་པའི་རྒྱུད་ཆེན་ལྔ།། སངས་རྒྱས་ཀུན་གྱི་ཐུགས་སུ་ཆུད།། འགྲོ་བའི
193a5 མགོན་པོ་དེ་བཞིན་གཤེགས།། འདུས་པའི་ཚོགས་རྣམས་དབུགས་འབྱིན་པ།། ལེགས་སོ་ཡེ་ཤེས་དྲི་མ་མེད།། གཅིག་ཏུ་གསུངས་པས་དོན་ཤེས་པ།། ཡེ་ཤེས་ལྔ་ཡི་མཚན་ཉིད་འཛིན།། ཆེན་པོ་ལྔ་ཉིད་མངོན་སངས
193a6 རྒྱས།། མགོན་པོ་དྲི་མེད་ཡེ་ཤེས་སྐུ།། རྣམ་དག་གསུང་གི་ཏནྟྲ་ལས།། གསང་བའི་སྒྲོན་མ་བསྟན་པ་ནི།། རིག་པའི་ཁུ་བྱུག་བསྟན་པ་ཡིན།། རིན་ཆེན་དྲ་བའི་སྒོ་མོ་ལ།། འབྱེད་པའི་ལྡེ་མིག་བསྟན་པ་ནི།། མུན་པའི
iiif viewer powered by OpenSeadragon
