| e-texts navigator |
| Wylie |
192b1 གསུང་ཐུགས་གསང་བ་རྨད་དུ་བྱུང་བ། སྐུ་གསུང་ཐུགས་ཡོན་ཏན་རྨད་དུ་བྱུང་བ། སྐུ་གསུང་ཐུགས་ཕྲིན་ལས་རྨད་དུ་བྱུང་བ་ལས། གསུང་རྨད་དུ་བྱུང་བ་གསུང་གི་རྒྱུད། ཕྲིན་ལས་མཐར་ཕྱིན་པ་རྡོ་རྗེ་རྩེ
192b2 མོའོ།། དོན་ཐུགས་སུ་ཆུད་པ་ཞེས་བྱ་བ་འདི་ལ། བཅོམ་ལྡན་འདས་མི་མཉམ་མགོན་པོས། ཀྱེ་འདུས་པའི་ཚོགས་དང་མ་འོངས་པའི་དུས་ན། དུས་མི་མཉམ་པ་ནམ་མཁའ་མེད་པའི་སྔོན་རོལ། གནས་མི་མཉམ་པ
192b3 ཆོས་ཀྱི་དབྱིངས་ཀྱི་ཕོ་བྲང་། སྟོན་པ་མི་མཉམ་པ་སངས་རྒྱས་འོད་དཔག་མེད། ཆོས་མི་མཉམ་པ་གསང་བ་རིག་པ་བཀོད་པའི་རྒྱུད་ལྔ། འཁོར་མི་མཉམ་པ་རིགས་ལྔའི་བདེ་བར་གཤེགས་པ། འདུས་པའི་ཚོགས་མི
192b4 མཉམ་པ་ས་བཅུ་པའི་བྱང་ཆུབ་སེམས་དཔའ་རྣམས་ལ་བཀའ་སྩལ་པ། ཀྱེ་ཀྱེ་འདུས་པའི་ཚོགས་ང་ཡིས་བཤད། ང་ཡིས་བསྟན་ང་ལ་ཉོན་ཅིག། ཨེ་མ་ཧོ།། ངོ་མཚར་ཆེ་བའི་ཆོས། བརྗོད་པ་ཀུན་ལས་རབ་ཏུ
192b5 འདས།། ཆོས་རྣམས་ཀུན་ལ་རབ་ཏུ་མི་གནས་སོ།། ཆོས་སྐུ་སྣང་བ་འཁྲུལ་པའི་ཆོས་ཞེས་བཀའ་སྩལ་ཏོ།། ང་རང་བྱུང་གི་ཡེ་ཤེས་ཆེན་པོ་ལ།། སྐུ་གནས་པའི་སྐུ་བསྟན་པ། ཡེ་ཤེས་ཀྱི་སྐུ་དྲི་མ་མེད་པའོ།། ངའི
192b6 གསུང་འགག་པ་མེད་པ་རང་བྱུང་གི་ཡེ་ཤེས་སོ།། ངའི་ཐུགས་རྡོ་རྗེ་ལྟ་བུ་འགྱུར་བ་མེད་པའོ།། ངའི་ཡོན་ཏན་ནོར་བུ་རིན་པོ་ཆེ་ལྟར་ཟད་མི་ཤེས་པའོ།། ངའི་ཕྲིན་ལས་ཉི་མའི་སྙིང་པོ་ལྟར་ལྷུན་གྱིས་གྲུབ་པའོ།།
iiif viewer powered by OpenSeadragon
