| e-texts navigator |
| Wylie |
192a1 འབྱོར་དབང་ཕྱུག་རྣམས།། སངས་རྒྱས་ཞལ་ནས་གསུངས་པ་ནི།། ཡིད་ཆེས་འགྱུར་བས་རབ་ཏུ་དད།། རིག་འཛིན་རིག་པའི་བརྡས་བརྒྱུད་པས།། ཟབ་མོའི་མན་ངག་རྒྱ་ཆེར་འགྱུར།། གང་ཟག་སྙན
192a2 ཁུང་བརྒྱད་གསུངས་པའོ།། མན་ངག་ཐུགས་ཀྱི་རྒྱུད་ཆེན་ཐིག། ནང་སྐོར་ལྔ་ཡི་མན་ངག་དང་།། གསང་སྐོར་ལྔ་དང་དགུ་པ་དང་།། གང་ཟག་ཆ་རྐྱེན་རྣམ་གསུམ་གྱི།། རྒྱུད་ཆེན་རབ་ཟབ་རྒྱུད་གསུངས་པ།། མ་འོངས
192a3 དོན་དུ་ལུང་བསྟན་གསུངས།། རྡོ་རྗེ་འཆང་ཆེན་ཁྱོད་ལ་འདུད།། ཅེས་བསྟོད་ནས། སྟོན་པ་འཁོར་དང་བཅས་པ་རྣམས་ཆོས་ཀྱི་དབྱིངས་ཐིག་ལེ་ཉག་གཅིག་ཏུ་དབྱེར་མེད་པར་བཞུགས་སོ།། སྟོན་པ་རྡོ་རྗེ་འཆང་ཆེན
192a4 པོས་གསུངས། ཞུ་བ་པོ་དགའ་རབ་རྡོ་རྗེས་ཞུས་ནས། སྐལ་ལྡན་འགའ་ཟུང་ལ་བརྒྱུད་དོ།། པདྨ་འཁྱིལ་པའི་རྒྱུད་ལས་རྗེས་སུ་ཡི་རང་བ་སྟེ་ལེའུ་རྩ་གཅིག་པའོ།། །། སྐུའི་རྒྱུད་པདྨ་འཁྱིལ་པ་རྫོགས
192a5 སོ།། །། རྡོ་རྗེ་རྩེ་མོ་འདུས་པའི་རྒྱུད་ཅེས་བྱ་བ། བཅོམ་ལྡན་འདས་དཔལ་མགོན་པོ་ཡེ་ཤེས་ཀྱི་སྐུ་དྲི་མ་མེད་པ་ལ་ཕྱག་འཚལ་ལོ།། འདི་སྐད་བདག་གིས་བསྟན་པའི་དུས་གཅིག་ན། འཁོར་ཆེན་པོ
192a6 འདུས་པའི་ཚོགས་མ་ལུས་པ་རྣམས། ལེགས་པར་ཉོན་ཅིག། ངས་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་ཕྱིན་ཅི་མ་ལོག་པར་བསྟན། སྐུ་གསུང་ཐུགས་གསང་བ་རྨད་དུ་བྱུང་བའི་རྒྱུད་ཀྱང་བསྟན་པར་བྱའོ།། སྐུ
iiif viewer powered by OpenSeadragon
