| e-texts navigator |
| Wylie |
191a1 པའི་གཏེར་སྦའོ།། ཡིད་ཀྱི་རྣམ་ཤེས་རྫོང་ཆེན་ལ།། རང་བྱུང་ཡེ་ཤེས་གཏེར་སྦའོ།། མཉམ་པ་ཆེན་པོ་མི་གཡོ་བས།། རྫོང་ལ་གཏེར་སྦས་རྒྱས་གདབ་བོ།། སྟོང་ཐུན་མ་གཞིའི་མན་ངག་འདི།། སྟོན་པ
191a2 རྡོ་རྗེ་འཆང་ཆེན་གྱིས།། དགའ་རབ་རྡོ་རྗེ་ཉིད་ལ་བཤད།། ཆོས་ཀྱི་མ་གཞི་ཞེས་བྱའོ།། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་གང་ཟག་ལམ་གྱི་ཆ་རྐྱེན་ཡང་གསུངས་པ། དང་པོ་ཟུག་སར་གཏུགས་པ
191a3 དང་།། བར་དུ་འགྲོ་སར་བཏང་བ་དང་།། ཐ་མ་འདུག་སར་བཞག་པའོ།། འཁྲུལ་གཞི་རྩད་ནས་བཅད་པ་དང་།། འཁྲུལ་པ་གཞི་ལ་ལྡོག་པ་དང་སངས་རྒྱས་པ་དུས་མཉམ་མོ།། ཆོས་ཉིད་མ་དང་འཕྲད་པའི་དུས
191a4 དང་།། རྡོ་རྗེ་སེམས་དཔའ་རང་དབང་ཐོབ་པའི་དུས་དང་།། ཡེ་ཤེས་རང་ས་ཟིན་པའི་དུས་སོ།། ཞེས་རིན་པོ་ཆེ་དྲ་བའི་དགོངས་པ་མིག་མང་རིས་ཞེས་བྱ་བར་གསུངས་སོ།། དེ་ནས་བཅོམ་ལྡན་འདས་རྡོ་རྗེ་འཆང
191a5 ཆེན་པོས་རིན་པོ་ཆེ་གཏེར་གྱི་འབྱུང་གནས་ཞེས་བྱ་བ་གང་ཟག་ལམ་གྱི་ཆ་རྐྱེན་འདི་གསུངས་སོ།། རྫོགས་པ་ཆེན་པོ་ཕྱིན་ཅི་མ་ལོག་པའི་མན་ངག་མངོན་དུ་ཕྱུང་བ་འདི་ལ་ལྔ་སྟེ། ཆོས་ཉིད་བྱང་ཆུབ་སེམས་ལས
191a6 འཁྲུལ་པ་བྱུང་བའི་ཚུལ་བསྟན་པ་དང་། དེ་གང་ལ་བརྟགས་ཏེ་བྱུང་བར་བསྟན་པ་དང་། བརྟགས་ནས་ངེས་པའི་དོན་ལ་བསྒོམ་པ་བསྟན་པ་དང་། རང་བྱུང་ཡེ་ཤེས་མངོན་དུ་ཤར་བའི་དུས་བསྟན་པ་དང་། དབུ་མ
iiif viewer powered by OpenSeadragon
