| e-texts navigator |
| Wylie |
190a1 མེད་ལམ་ལ་གནས་པར་བྱ།། སྤང་བར་བྱ་བའི་རྒྱུ་གང་ཡིན།། མ་རིག་པ་དང་ལོག་ལྷ་དང་།། ལོག་རྟོག་གཉིས་འཛིན་ཐེ་ཚོམ་རྣམས།། རྩད་ཆོད་ནས་ནི་རང་དེངས་འགྲོ།། འབྲས་བུའི་གདེང་དུ
190a2 གཏུགས་བྱས་ནས།། མ་རིག་ཁ་ནི་ནང་དུ་བལྟས།། རིག་པས་འཁོར་འདས་ཆོས་རྣམས་ཀུན།། ཆོས་ཀྱི་སྐུ་ལས་བྱུང་བར་ཤེས།། ཀུན་རྫོབ་རྣམ་གྲངས་བརྗོད་འདས་ཀྱང་།། འཁོར་བའི་ཆོས་ལ་འདུས་པ་ཡིན།། མྱ
190a3 ངན་འདས་པ་དོན་དམ་ཉིད།། དོན་དམ་གྲངས་མེད་འདི་རུ་འདུས།། དེ་དག་ཐམས་ཅད་སྣང་བ་ཡང་།། ཆོས་ཀྱི་སྐུ་ལས་ཐ་མི་དད།། ཡུལ་གྱིས་ཡེ་ཤེས་ཀློང་བརྡོལ་བ།། བག་ཆགས་སྦུབས་ཀྱི་སྣང་བ་ལ།། ཡེ་ཤེས
190a4 བཞི་དང་ལྡན་པས་ན།། བྱ་བ་གྲུབ་པའི་ཆ་ལ་གནས།། སྒྱུ་མའི་ལུས་ལ་ཡེ་ཤེས་ལྔ།། ཡེ་ཤེས་ལུས་ཅན་དེ་བཞིན་གཤེགས།། ཡོན་ཏན་སྐུ་ཡི་ཀློང་བརྡོལ་བ།། ཐུན་མོང་ཡོན་ཏན་སྣང་བ་ཡང་།། འགྲོ་འོང་མེད་དང
190a5 འདུ་འབྲལ་མེད།། སྐྱེ་འགག་མེད་དང་འཕེལ་འགྲིབ་མེད།། གཅིག་པ་ཐ་དད་མེད་པའོ།། ཐུན་མོང་མ་ཡིན་ཡོན་ཏན་ནི།། ལོག་པའི་ཡོན་ཏན་སྣང་བ་ཡང་།། ལུས་དང་ངག་དང་ཡིད་གསུམ་མོ།། ཡང་དག་པ་ཡི་ཡོན
190a6 ཏན་ནི།། སྐུ་དང་གསུང་དང་ཐུགས་སུ་སྣང་།། འཁོར་འདས་གཉིས་སུ་སྣང་བ་ཡང་།། ཀུན་ལ་ཁྱབ་པར་གནས་པ་དང་།། གཟུགས་ཅན་མ་ཡིན་འགྲོ་འོང་མེད།། དུས་ནི་ཐམས་ཅད་པ་ཡིན་ནོ།། སེམས་ཀྱི་གདར་ཤ
iiif viewer powered by OpenSeadragon
