| e-texts navigator |
| Wylie |
18b1 བཞི་པའོ།། །། དེ་ནས་ལྷ་མོ་དབྱངས་མཁན་མ་ཞེས་བྱ་བ་དེས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་སེམས།། དམིགས་པ་མེད་པའི་ཕྱོགས་དག་ནས།། ཆོས་ཉིད་རང་སྣང་དོན་སྤྱོད་པ།། བདག
18b2 ཅག་རྣམས་ལ་གསུང་དུ་གསོལ།། དེ་ནས་བཅོམ་ལྡན་རྡོ་རྗེ་སེམས་དཔའ་ཡིས།། མོས་པའི་འཁོར་ལ་བཀའ་སྩལ་པ།། ཀྱེ་མ་མོས་པའི་འཁོར་རྣམས་ཉོན།། ང་ཡིས་རང་རིག་ཆོས་བསྟན་གྱིས།། ཁྱོད་ཀྱིས་རྟོག་མེད
18b3 ཡིད་ཀྱིས་ཉོན།། སེམས་ཀྱི་སྡུག་བསྔལ་ཇི་སྙེད་པ།། བསྐལ་པའི་བར་དུ་ཐར་པ་མེད།། དེ་ཉིད་སྤང་བར་བྱ་བའི་ཕྱིར།། སངས་རྒྱས་འོད་དཔག་མེད་པ་ཡིས།། དོན་དམ་རིག་པའི་ཀློང་ཡངས་ནས།། བརྗོད་མེད་ཚིག།
18b4 བསྟན་ངོ་མཚར་ཆེ།། ང་ཡི་སྐུ་ལ་འགྱུར་མེད་ཀྱང་།། ང་ཡི་སྣང་བ་ཕྱོགས་བཅུར་སྣང་།། ང་ཡི་ཆོས་ཉིད་རང་སྣང་ཡང་།། མུན་པའི་ཕྱོགས་ཀྱིས་ཡོངས་མི་བརླག། སེམས་ཅན་སྣང་བ་བསམ་མི་ཁྱབ།། རྣམ་དྲུག་ལྡན
18b5 པའི་ཡུལ་དག་ནས།། རྐྱེན་ལྔ་རྣམ་པར་འཕྲོས་པ་ཡིས།། སེམས་ཀྱི་གྲོགས་ནི་བཞི་དག་ལས།། བློ་ཡི་རྣམ་པ་དྲུག་ཏུ་ཤར།། རྣམ་པའི་ཡུལ་ལྔ་རབ་ཏུ་བཟུང་།། བཅུ་དྲུག་གམ་ནི་གསུམ་དག་གིས།། དྲི་མ་སྟོང་ཁ་ཡས
18b6 པའམ།། ཡང་ན་སྟོང་ཕྲག་བརྒྱད་ཅུའོ།། སྣང་བའི་དྲི་མ་གཉིས་དག་ལས།། ངར་འཛིན་དྲི་མ་གཉིས་སུ་སྣང་།། ཆོས་ཀྱི་དྲི་མ་བཞི་དག་ལས།། རྣམ་པའི་དྲི་མ་ལྔར་སྣང་བའོ།། མཐུན་པའི་མུན་པ་སུམ་འགྱུར་རོ།། སྣང
iiif viewer powered by OpenSeadragon
