| e-texts navigator |
| Wylie |
18a1 ངང་ལ་རོལ།། སྒོམ་པ་ཉི་ཟླའི་ཟེར་ལྟར་འཕྲོ།། སྤྱོད་པ་རྣམ་དག་འོད་གསལ་ལོ།། རང་རང་དུང་ཁང་ཁྲོ་བོར་གནས།། ཡབ་དང་ཡུམ་དུ་མངོན་པར་སྣང་། ཁྲོ་དང་ཁྲོ་མོའི་ཚུལ་འཆར་ཞིང་།། ཡེ་ཤེས
18a2 ལྔ་ལྔ་དག་དང་ལྡན།། སྐུ་ཡི་ཡེ་ཤེས་རེ་རེ་ལ།། དབུ་ཡི་ཡེ་ཤེས་ལྔ་ལྔའོ།། ལྟ་བ་འགག་མེད་ཟང་ཐལ་ལ།། སྒོམ་པ་རྟོག་མེད་མཉམ་པར་གནས།། སྤྱོད་པ་འགག་མེད་རོལ་པར་འཆར།། འབྲས་བུ་དབྱིངས་དང་རིག
18a3 པར་ལྡན།། དེ་ནས་སྒོ་ལ་ཐོན་པའི་ཚེ།། དབྱིངས་ཀྱི་རང་བཞིན་ཤེས་རབ་སྐུ།། རིག་པའི་རང་བཞིན་ཐབས་ཀྱི་སྐུ།། འདུ་འབྲལ་མེད་པར་མངོན་སྣང་བའོ།། མ་འགགས་འགག་མེད་སྙིང་པོ་ཆེ།། བརྗིད་པའི་སྐུ་ལྟར
18a4 མི་གནས་ཏེ།། ངོ་བོ་རྣམ་དག་ཡེ་ཤེས་བརྡལ་བ་ཉིད།། སྟོང་པ་ཆེན་པོའི་ཆོས་ཉིད་ཡུལ་ལ་རོལ།། གསལ་བ་ཟང་ཐལ་ཆོས་སྐུ་ངོ་བོས་སྟོང་།། སྟོང་པའི་དུས་ན་རང་བཞིན་མ་ངེས་ཏེ།། སྐུ་དང་ཡེ་ཤེས་དཀྱིལ་འཁོར
18a5 རྟོག་པ་མེད།། ཐབས་དང་ཤེས་རབ་དོན་ལ་འགྱུར་བ་མེད།། སྟོང་པའི་སྒྲོན་མ་བྱ་བཙལ་གཉིས་དང་བྲལ།། ཐུགས་རྗེ་འབྱུང་བ་སྒྲོན་མ་ཉི་ཟེར་བཞིན།། སྒྲོན་མའི་འོད་ཟེར་གཏིང་ལ་ཐུག་པ་མེད།། གསང་བའི་འོད
18a6 ནི་ཙིཏྟའི་ནང་དུ་གསལ།། རང་བཞིན་འོད་ནི་ནམ་མཁའི་མཐོངས་ན་གསལ།། དཀྱིལ་འཁོར་རང་རྫོགས་འོད་ནི་དེ་བཞིན་ནོ།། ཞེས་ནོར་བུ་ཕྲ་བཀོད་ཆེན་པོའི་རྒྱུད་ལས། སྣང་བའི་ཡེ་ཤེས་ངོས་འཛིན་པའི་ལེའུ་སྟེ
iiif viewer powered by OpenSeadragon
