| e-texts navigator |
| Wylie |
189b1 པར་ཐེ་ཚོམ་མེད།། ཆོས་ཀྱི་མཐའ་ཡང་གང་ཡིན་ན།། ཆོས་སྐུ་གཉིས་མེད་ཆེན་པོ་ནི།། གཞི་རྩ་མེད་པའི་སེམས་ཉིད་འདི།། ཆོས་རྣམས་ཀུན་གྱི་རྩ་བ་ཡིན།། བརྗོད་པས་ཐོག་ཏུ་མི་ཕེབས་པས།། ཆོས་ཀྱི་དེ་ལས་བྱུང
189b2 བའི་འབྲེལ།། སྐུ་གསུམ་དབྱིངས་ནས་ཡེ་ཤེས་དང་།། མཚན་དང་དཔེ་བྱད་ལྟར་སྣང་བ།། དེ་ལས་ལོག་སྟེ་མ་རིག་པས།། བསྡུས་པ་ཐམས་ཅད་ཆོས་ཅན་ནོ།། དེ་རྣམས་ཀུན་གྱི་མཐས་གཏུགས་པ།། ཆོས་ཀྱི
189b3 མཐར་ཐུག་ཅེས་བྱ་སྟེ།། འཁོར་བ་ལུགས་ལས་ལྡོག་པའོ།། སྐུ་ཡི་ངོ་བོར་གཏུགས་པ་ནི།། རྒྱུ་དང་རྐྱེན་གྱིས་མ་བསྐྱེད་དེ།། འོད་གསལ་སྒྱུ་མའི་སྐུ་ཡིན་པས།། གཉིས་མེད་བརྗོད་པར་མི་ནུས་སོ།། ཆོས་ཀྱི་དབྱིངས
189b4 ཀྱི་མདོར་གཏུགས་ན།། རིག་པའི་ཡུལ་ལྟར་སྣང་བ་ཡང་།། ཤིན་ཏུ་ཕྲ་བའི་སྟོང་ཉིད་འདི།། རིག་པ་སྟོང་པ་དབྱེར་མི་ཕྱེད།། བརྗོད་པར་རབ་ཏུ་དཀའ་བའོ།། དབྱིངས་ནི་མུ་མཐའ་བྲལ་བར་ཐུག། རྒྱུ་ཡི་ངོ་བོར
189b5 གཏུགས་པ་ན།། ཀུན་རྫོབ་སྣང་བ་འཁོར་བའི་རྒྱུ།། འདས་པར་སྣང་བ་དོན་དམ་རྒྱུ།། འཁོར་འདས་གཉིས་སུ་སྣང་བའོ།། རྒྱུ་ཡི་ངོ་བོ་ཆོས་ཉིད་ཡིན།། ཆོས་ཉིད་སྐྱེ་བ་མེད་པར་ཐུག། ལམ་གྱི་སྟོབས་སུ་གཏུགས་པར
189b6 བྱ།། ཐེག་པ་རིམ་པའི་ལམ་རྣམས་ཀྱི།། ནང་ནས་ལམ་སྟོབས་གང་ཆེན།། སྐུ་ལས་ལམ་དུ་བྱེད་པས་ན།། འབྲས་བུ་ཉིད་ལས་ལམ་ཤེས་པས།། ལམ་ཉིད་སྐུ་ལ་ཐུག་པས་ན།། ལམ་ལ་བགྲོད་དུ་མེད་པའོ།། བགྲོད
iiif viewer powered by OpenSeadragon
