| e-texts navigator |
| Wylie |
189a1 ཡེ་ཤེས་གནས་ལུགས་ཡིན།། དེ་ལས་ཤེས་པ་བྲེང་ཙམ་བྱུང་།། དེ་ནི་རིག་པ་ཙམ་ཡིན་ཡང་།། དགེ་དང་མི་དགེ་མི་གནས་ཕྱིར།། དེ་གཉིས་གང་ལྟར་མ་རིག་པས།། མ་རིག་པ་ཞེས་སྟོན་པས
189a2 བཏགས།། དོན་ལ་གདགས་པར་བྱ་བ་མེད།། དེ་ལས་རགས་པར་བྱུང་བ་ཡང་།། ཕ་གི་ཅི་ཡིན་བྱ་བ་ཙམ།། དབྱིངས་ཉིད་སྟོང་པ་ཕྲ་བ་ཙམ།། དེ་ལ་ལོག་པར་བལྟ་བར་བྱུང་།། དེ་བས་རིག་པ་སྣང་བ་ཡང་།། སྣང་ལ
189a3 ལུས་སེམས་ང་ཡིར་འཛིན།། སྐད་ཅིག་ཙམ་ལས་ལོག་པར་རྟོག། ཕྱི་ལ་ང་ཡི་ཡུལ་ཙམ་དུ།། སྣང་བའི་ཞེན་པ་བྱུང་བ་ནི།། དབྱིངས་ལས་ཡུལ་དུ་གཟུང་བ་ཡིས།། ཡུལ་ཙམ་སྣང་བ་དག་ལ་རྟོགས།། གཟུང་དང་འཛིན
189a4 པ་སྣང་ཞེས་བྱ།། དེ་བས་རགས་པ་ལོག་པར་ཞེ་ན།། དེ་ནི་ནང་གི་ང་ཡིན་ཏེ།། ཉེར་ལེན་ཕུང་པོ་ལྔ་པོ་ལ།། ཞེན་པར་སྣང་བ་ང་ཡིན་ཏེ།། ཆོས་ཀྱི་ཕུང་པོ་སྐྱེ་མཆེད་ཁམས།། གཟུགས་ལ་སོགས་པ་ཐམས་ཅད
189a5 ལ།། ལོག་པར་ཞེན་པར་བྱེད་པའོ།། དེ་ནས་ལོག་པར་ཆགས་པའོ།། དེ་ལས་ལོག་པར་ཞེ་སྡང་སྟེ།། དེ་ནས་དམྱལ་བར་སོང་བའོ།། སེར་སྣ་ཡི་དྭགས་ལུས་ལེན་ཅིང་།། གཏི་མུག་བྱོལ་སོང་གནས་སུ་སྐྱེ།། འདོད
189a6 ཆགས་མི་ལ་ང་རྒྱལ་ལྷ།། ཕྲག་དོག་ལྷ་མ་ཡིན་དུ་འཁྲུལ།། འཁོར་བ་ལུགས་སུ་འཇུག་པའོ།། འཁོར་བ་ལྡོག་ན་རྒྱུ་ནས་ལྡོག། མ་རིག་པ་ཉིད་རྩད་ནས་བཅད།། རང་རིག་དང་པོའི་སོ་ལ་བཞག། འཁྲུལ་པ་ལོག
iiif viewer powered by OpenSeadragon
