| e-texts navigator |
| Wylie |
188b1 གནས།། བརྗོད་པས་ཐོག་ཏུ་མི་ཕེབས་སོ།། རང་བྱུང་ཡེ་ཤེས་ཆེན་པོ་ནི།། རྒྱུ་རྐྱེན་ལས་ཀྱིས་མ་བྱས་པས།། རང་བྱུང་ཡིན་ལ་ཆེན་པོ་ཡིན།། གསལ་ལ་མི་རྟོག་ཡེ་ཤེས་ནི།། ལས་ཀྱི་དབང་དུ་གྱུར་པས་ན།། རང་བྱུང
188b2 ཡེ་ཤེས་ཆེན་པོར་གནས།། སྐུ་ཡི་གནས་ལུགས་འོད་ཀྱི་སྐུ།། ཞལ་གཅིག་ཕྱག་གཉིས་ཁ་སྦྱར་ཏེ།། དབྱིངས་དང་ཡེ་ཤེས་ཁ་སྦྱོར་གནས།། ཕོ་མོ་མ་ནིང་མཚན་མ་འདོད།། མ་ནིང་མ་ཡིན་པར་གནས་པས།། ཐུགས་རྗེ
188b3 འབྱུང་བའི་རྒྱུན་ཅན་ཡིན།། གསུང་གི་གནས་ལུགས་དོན་གྱི་གསུངས།། མ་བརྗོད་བརྗོད་འདྲར་གོ་བ་ནི།། རིག་པའི་གསུང་ཆེན་བརྡའ་སྤྲད་པས།། དེ་ལས་སྒྲ་གཅིག་འབྱུང་དུས་གསུངས།། ཐུགས་ནི་རིག་པ་འགག
188b4 མེད་དེ།། དེས་ནི་ཐམས་ཅད་གསལ་བར་མཁྱེན།། དབུགས་མེད་མི་རྟོག་མཁྱེན་པའི་ཐུགས།། དེ་ནི་རིག་པ་མི་འགྱུར་བའོ།། དབྱིངས་ནི་སྟོང་ཞིང་བདག་མེད་པས།། རིག་པའི་ཡུལ་དུ་བརྗོད་མི་ཤེས།། དག་ཅིང
188b5 སྟོང་ལ་ཡངས་ཤིང་ཁྱབ།། དེ་ནི་ཡུལ་ལྟར་སྣང་བ་ནི།། སྐུ་དང་ཡེ་ཤེས་ཀུན་གནས་པས།། དབྱིངས་ཀྱི་གནས་ལུགས་ཞེས་བྱ་སྟེ།། གནས་ལུགས་དྲུག་པ་ཞེས་བྱ་བ།། ཆོས་ཉིད་དང་ན་ཆོས་སྐུ་བཞུགས།། ཆོས་སྐུའི
188b6 སྐུ་གསུང་ཐུགས་ཡིན་ཏེ།། དུས་གསུམ་འདུ་འབྲལ་མ་མྱོང་བས།། སྐུ་གསུམ་ཆོས་ཀྱི་སྐུ་ལས་བྱུང་།། ཆོས་སྐུ་རིག་པ་སྟོང་གསལ་དང་།། ཆོས་ཀྱི་ཡུལ་དུ་སྣང་བ་གཉིས།། སྟོང་པ་ཟང་ཐལ་དབྱེར་མེད་པས།། སྐུ་དང
iiif viewer powered by OpenSeadragon
