| e-texts navigator |
| Wylie |
186b1 རྡོ་རྗེ་གསང་བའི་བདག། ཡེ་ཤེས་ཡོངས་སུ་དག་པའི་ཕྱིར།། ཤེས་རབ་སྤྱན་གསུམ་རྣམ་པར་དག། ཐམས་ཅད་མཁྱེན་པའི་སྐུ་མངའ་བས། བརྡལ་བ་ཆོས་ཉིད་ཡོངས་སུ་གསལ།། ཡོན་ཏན་ཉི་མ་རྫོགས་པའི
186b2 ཕྱིར།། ཡིད་བཞིན་ནོར་བུ་རིན་ཆེན་འབར།། ཉོན་མོངས་སྐྱོན་གྱིས་མ་གོས་ཕྱིར།། རང་བྱུང་པདྨའི་དབྱིངས་ནས་རྫོགས།། ཐབས་ཀྱི་ཡེ་ཤེས་མི་འགག་ཕྱིར།། ཐུགས་རྗེ་ཉི་མའི་སྙིང་པོ་འདྲ།། རྫུ་འཕྲུལ་སྟོབས་དང
186b3 ལྡན་པའི་ཕྱིར།། གྲོལ་ནས་གྲོལ་བའི་ལམ་ཡང་སྟོན།། བདག་མེད་ཕྱོགས་བྲལ་གདོད་ནས་དག། རྡོ་རྗེ་ལྟ་བུར་རིག་པ་ནི།། འགྲོ་འོང་མེད་ཅིང་འཕེལ་འགྲིབ་མེད།། ཐམས་ཅད་འུབ་ཆུབ་དབྱིངས་སུ་ཐིམ།། འཇའ
186b4 ཚོན་ལྟ་བུའི་སྐུ་མངའ་བས།། ལོངས་སྤྱོད་རྫོགས་པའི་སྐུ་ཡི་མཆོག། མི་བསྐྱོད་དབྱིངས་ནས་རང་བྱུང་བས།། བཅོམ་ལྡན་རྡོ་རྗེ་དབྱིངས་མི་བསྐྱོད།། ཞི་བའི་ཚུལ་གྱིས་འགྲོ་འདུལ་བ།། རྣམ་པར་སྣང་མཛད་ཀུན་ཏུ
186b5 བཟང་།། ཇི་བཞིན་མ་བཅོས་རང་བྱུང་བ།། བཅོམ་ལྡན་རྡོ་རྗེ་འཆང་ཆེན་པོ།། ཐོག་མ་མེད་ནས་ད་ལྟའི་བར།། ཉིད་ཀྱི་རང་བཞིན་འགྱུར་མེད་པས།། དཔེར་ན་རིན་ཆེན་གསེར་དང་མཚུངས།། བཅོམ་ལྡན་རྡོ་རྗེ
186b6 སེམས་དཔའ་ནི།། རྡོ་རྗེ་ལྟ་བུའི་སྐུ་མངའ་བས།། མི་འགྱུར་རྡོ་རྗེ་སེམས་དཔའ་ཆེ།། སྣང་སྲིད་ཐམས་ཅད་ཉིད་མཁྱེན་པས།། མཁའ་གསལ་ཉི་མའི་སྙིང་པོ་ཆེ།། མ་རིག་མུན་པའི་སྡུག་བསྔལ་སེལ།། དེ་ནས་བྱང
iiif viewer powered by OpenSeadragon
