| e-texts navigator |
| Wylie |
185a1 སངས་རྒྱས་ཀྱི་དགོངས་པ་ལ་དཔག་ཏུ་ཡོད་དམ་མེད། མེད་ན་དྲི་བ་ཅིའི་ཕྱིར། ཡོད་ན་ཡང་དག་པར་རྫོགས་པའི་སངས་རྒྱས་ཀྱི་དགོངས་པ་ལ་མཐར་ཐུག་པའི་ཚད་ཅིས་གཟུང་། གཟུང་དུ་མེད་ན
185a2 དྲིས་པ་ལ་དགོས་པ་ཅི་ཡོད། ཡོད་ན་དཔག་ཏུ་མེད་པའི་དོན་དང་མི་འགལ་ལམ། རྣལ་འབྱོར་པ་རྩོལ་བ་དང་བྲལ་བའི་སྐབས་དུས་ཅི་ཙམ་ན་ལགས། ཡང་དག་པར་རྫོགས་པའི་སངས་རྒྱས་ལ་ཐམས་ཅད་མཁྱེན
185a3 པའི་ཡེ་ཤེས་ཤར་བའི་དུས་ཅི་ཙམ་ན་ལགས། སངས་རྒྱས་ལ་ཐུགས་རྗེ་འབྱུང་དུས་ཅི་ཙམ་ན་ལགས། འཁོར་བ་དང་མྱ་ངན་ལས་འདས་པ་རྣམ་པ་གཉིས་ལ་རྒྱུ་གཅིག་ལས་མེད་པ་ལ། འབྲས་བུ་ཐ་དད་པ་འདི་དུས
185a4 ཅི་ཙམ་ནས་རྐྱེན་གང་གིས་བྱས་ནས་འཁྲུལ། རྐྱེན་མེད་པར་ནི་འཁྲུལ་མི་སྲིད་ན་རྐྱེན་དུ་དང་ལྡན། རྒྱུ་ངོ་བོ་གཅིག་ལས་མེད་པར་སེམས་ཅན་བསམ་གྱིས་མི་ཁྱབ་པ་ནི་ལས་ཅི་ལྟ་བུ་ལགས། ཕྱི་སྣོད་ནང་བཅུད་དུ
185a5 སྲིད་པ་ཆགས་པ་འདི་དུས་ཅི་ཙམ་ན་རྒྱུ་གང་གིས་བྱས། ཕྱི་སྣོད་ཀྱི་འཇིག་རྟེན་འདི་ཆོས་ཉིད་ལས་ཐ་དད་དམ་མི་དད། ཐ་དད་ན་གཞི་ལས་མ་གྲུབ་པར་འོང་བར་མི་རིགས་ན་གཏན་ཚིགས་ཅིའི་ཕྱིར། ཐ་མི་དད་ན
185a6 ཇི་ལྟར་ལགས། འཇིག་པའི་དུས་སངས་རྒྱས་འབྱུང་བ་གང་སྔ། སངས་རྒྱས་སེམས་ཅན་རྒྱབ་གྱེས་པའི་དུས་ཅི་ཙམ་ན་ལགས། སྐྱེ་བ་རྣམ་པ་བཞི་ལ་སེམས་ཅན་མིར་སྐྱེ་བའི་རྒྱུ་ཅིས་བྱས། སངས་རྒྱས་འབྱུང་བའི་རྒྱུ
iiif viewer powered by OpenSeadragon
