| e-texts navigator |
| Wylie |
184a1 འདྲེར་མི་བཏུབ་བོ།། ཤེས་བྱ་རང་གི་ངོ་བོ་དེ་ཀ་དག་གི་ཡེ་ཤེས་རང་སྣང་བ་ཞེས་བྱ་སྟེ། བདེ་གསལ་མི་འགག། མ་འགགས་ཉིད་ཡེ་ཤེས་རང་སྣང་བས་ཐུགས་རྗེ་ལ་འགག་པ་མེད་དེ། རང་བྱུང་རང
184a2 ཤར་རང་གསལ་དེ་ལ་རྩོལ་བ་དང་བྲལ་བའི་སྐབས་ཞེས་བྱ།། ཀུན་རིག་རྣམ་པར་སྣང་མཛད་ཁྱོད་ཕྱག་འཚལ།། བསྒྲུབ་མེད་རྩལ་སྦུགས་སྨོན་པ་མེད།། བྱར་མེད་ལྷུན་རྫོགས་དེ་ཉིད་དོ།། རིག་པ་རང་བྱུང་ཡེ་ཤེས
184a3 རང་སྣང་བས།། ཆུ་བོའི་གཞུང་དང་འདྲ་སྟེ་ཟད་ཅིང་བྲི་བ་མེད།། མུ་སྟེགས་ཨ་པ་ར་ཡི་སྤྱོད་པ་ཅན།། ས་པའི་བྱང་ཆུབ་སེམས་དཔའི་སྤྱོད་པ་ཡན་ཆད།། ཡེ་ཤེས་རང་སྣང་བས་ཁྱད་པར་མེད་པས་རང་བྱུང་ངོ་།། རང
184a4 སྣང་ངོ་།། རང་གིས་ཤེས་སོ།། ཡང་དག་པའི་དགོངས་པ་ནི། སངས་རྒྱས་འོད་སྲུངས་ཀྱིས་ཀྱང་དང་པོ་བསྒྲུབ་པ་མེད།། ད་ལྟར་མི་བསྒྲུབ་ཐ་མ་གཞན་དུ་མི་འགྱུར་རོ།། རྒྱུ་རྟོག་གེ་བ་རྣམས་ནི་རྒྱུ་ལ་རྩོལ་བ་བྱས་པས།།
184a5 ལམ་ལ་མཐར་ཐུག་པ་མེད་དོ།། འབྲས་བུའི་ལམ་པ་ནི། རེ་བ་ལ་མི་འཇོག། སྨོན་པ་ལ་མི་སྡོད་དོ།། བསྒྲུབ་མེད་རྩལ་སྦུགས་སྨོན་པ་མེད། དཔལ་རྡོ་རྗེ་སེམས་དཔར་འདུད་ཕྱག་འཚལ།། སྐུ་གསུམ་རྒྱལ་བའི
184a6 དགོངས་པ་མཐར་ཕྱིན་པས།། མ་རིག་སྒོ་ལྔའི་སྦུབས་འབྱེད་གསལ་བར་བསྟན།། ཞེས་བཅོམ་ལྡན་འདས་དཔལ་རྡོ་རྗེ་འཆང་ཆེན་པོས། སྐུ་གསུམ་གྱི་བཤད་ལུགས་ལུང་སྦགས་བསམ་གཏན་ལ་ཕབ་སྟེ་ཡིད་ཆེས
iiif viewer powered by OpenSeadragon
