| e-texts navigator |
| Wylie |
182b1 པས་གཞིའི་གནས་ལུགས་དང་གཅིག་པས། དེ་བཞིན་དུ་ཤེས་པར་བྱའོ།། ད་ལྟའི་དུས་སུ་མ་རིག་པའི་གདར་ཤ་བཅད། དེ་རྟོགས་པའི་ཡེ་ཤེས་རང་ལ་སྣང་བར་ཤེས་པའི་དུས་སུ། མ་རིག་པ་གདར་ཤ་བཅད་པ
182b2 ཞེས་བྱའོ།། ཐུན་མོང་གི་སྣང་བ་རང་སྣང་བ་ནི། བློའི་ཡུལ་དུ་བྱེད་པའོ།། དོན་གྱི་ཡེ་ཤེས་ཤར་བའི་མན་ངག་ཚིག་གསུམ་དང་འདྲ་འབག་བསྟན་པས་ཤེས་པར་བྱ། པདྨ་འཁྱིལ་པའི་རྒྱུད་ལས། སྤུ་གྲིའི་ལེའུ་སྟེ་བཅུ
182b3 དྲུག་པའོ།། །། དེ་ནས་བཅོམ་ལྡན་འདས་ཀྱིས་སཱ་ལུ་ལྡང་བ་འདི་གསུངས་སོ།། བྷ་ས་ར་བྷཱི་ཊི། ཨ་ཀ་ར་སུ་ཀ། རཏྣ་པན་ཙན་ཨ་ཀ་ར། ཤྲཱི་ཨཱ་ཡུ་ཛྙཱ་ན་ཨ་ད་པ་ཡ་བྷིཿ། སྣ་ཚོགས་སྣང་བ་དག་པའི་ཡེ་ཤེས
182b4 འདི།། འབྲས་སཱ་ལུ་ལྡང་པའི་མན་ངག་ཡིན།། དཔལ་ལྡན་རྡོ་རྗེ་སེམས་དཔའ་ཁྱོད་ཕྱག་འདུད།། རྡོ་རྗེ་སེམས་དཔའི་རང་བཞིན་གདོད་ནས་དག་པའི་ཆོས།། མན་ཤེལ་མེ་ལོང་ལྟ་བུ་དག་པ་ལ།། སྣང་བའི་གཟུགས
182b5 བརྙན་སྣ་ཚོགས་འཆར་བ་བཞིན།། ཤར་བའི་དུས་ན་སྣ་ཚོགས་གསལ་སྣང་ཡང་།། རང་གི་ངོ་བོ་མི་འགྱུར་གདོད་ནས་དག། གཞི་མ་ཕྱི་ནང་དབྱེར་མེད་ཡེ་ཤེས་ཟང་མར་སྣང་།། སྣ་ཚོགས་སྣང་བའི་དུས་ན་ནང་གི
182b6 རང་བཞིན་མ་བཅོས་དེ་བཞིན་ཉིད།། ཅེས་གསུངས་སོ།། ཆོས་ཐམས་ཅད་ཀྱི་དེ་བཞིན་ཉིད་དེ། དེ་བཞིན་གཤེགས་པའི་སྙིང་པོའི་རང་བཞིན་ཅན་ནོ།། མི་བསྐྱོད་པ་ལ་སོགས་པའི་དེ་བཞིན་གཤེགས་པ་རྣམས་ནི་ཡེ
iiif viewer powered by OpenSeadragon
