| e-texts navigator |
| Wylie |
182a1 མེད། ཡེངས་ས་ཡང་མེད། འགག་པ་ཡང་མེད། འགོག་མ་མྱོང་། ཟང་ཐལ། ཞོག་ཐོང་། དྷ་ན་པ་རི་ནན། གཞི་དོན་གྱི་ཀུན་གཞི་ཟག་པ་མེད་པའི་ཡེ་ཤེས་མ་འཁྲུལ་པའི་སངས་རྒྱས།། མ་བྱས་པའི
182a2 སྟོན་པ། ཨ་ར་ཛི་ཏི། ཨ་ཧྱ་ར། ན་མ་ནན་ཏི་བུད་དྷ་ཀ་ཡཱ། དྷ་ཧི། བྷི་ཧཾ་བྷུ་པ་ར་སི་ཏི་ཀཾ་བདག་ཏུ་སྟོན་པའི་དཔལ་འཇམ་དཔལ་གཞོན་ནུ་འོད་སྲུང་ཆེན་པོ་ཁྱོད་ལ་འདུད། ཀྵ་ཀུ་རུ་ནན་ཏི་ཀར། ལེགས་སོ་ལེགས
182a3 སོ།། དེ་བཞིན་དུ་བྱོས་ཤིག་ཅེས་ལུང་བསྟན་ཏོ།། ཀུན་ཏུ་བཟང་པོ་ལ་བདུད་ཞུགས་པ་སླར་ལྡོག་པའོ།། པདྨ་འཁྱིལ་པའི་རྒྱུད་ལས། ལུང་གསེར་གྱི་ཕུར་པའི་ལེའུ་སྟེ་བཅོ་ལྔ་པའོ།། །། དེ་ནས་བཅོམ་ལྡན
182a4 འདས་ཀྱིས་གསུངས་པ། ལོག་རྟོག་གཅོད་པའི་སྤུ་གྲིས་ལྗོན་ཤིང་གི་རྩ་བ་བཅད་དེ། བརྡའ་རྣམ་པ་གཉིས་བསྟན་པའི་དུས་སུ། གད་ལ་ཁྱབ་ཆེན་པོའི་བརྡས་ཉི་མ་ལས་འོད་སྣང་བར་བསྟན་ཏེ། ཐིག་ལེ་མ་སྐྱེས་པའི
182a5 ང་དུ། ཡེ་ཤེས་ཀྱི་ཉི་མ་ཐིམ་པའི་ཚུལ་དུ་གནས་པ་ནི། དཔེར་ན་ཉི་མ་ནུབ་པའི་དུས་སུ། འོད་ཐམས་ཅད་ཉི་མའི་སྙིང་པོ་ལ་འདུས་པར་བསྟན་པའོ།། དེ་བཞིན་དུ་གད་ལ་ཁྱབ་འུབ་ཆུབ་ཏུ་བསྟན་པས། སྐྱེ་འགག
182a6 མེད་པའི་ཡེ་ཤེས་ཟང་མ་ཞེས་བྱའོ།། བརྡའ་ངོ་བསྟན་པའི་དུས་སུ། ཐོག་མའི་གནས་ལུགས་རང་ས་དཔེར་བསྟན་ནས། འཁྲུལ་གཞི་ཁོ་ན་འདྲ་བ་དཔེ་མེད་པར་བསྟན་ཏེ། འཁྲུལ་པ་གནས་སུ་བདའ་བ་དང་གཅིག
iiif viewer powered by OpenSeadragon
