| e-texts navigator |
| Wylie |
181b1 མ་པུརྞ་ཉེ་བ་ཞི་བས་དཔལ་ཕྱག་ན་རྡོ་རྗེ་མགོ་ཁོས་ཞེས་བཀའ་སྩལ་ཏོ།། དེ་ནས་ཁྱེའུ་སྣང་བ་དམ་པ་བསམ་གྱིས་མི་ཁྱབ་པ་དགའ་མགུ་ཡི་རང་སྟེ། ཕྱག་སྤྱི་བོར་བཞག་ནས་རིགས་ཀྱི་བུ་དམ་པ་ཁྱོད་ཀྱིས་སྤྲས་པ་དེ
181b2 ལེགས་སོ།། ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་རྣམས་ཀྱིས་ཀྱང་། རང་རང་གི་མོས་པ་ཙམ་མཚོན་ནུས་ཀྱི། དོན་ཆེན་པོ་མཚོན་པར་མི་ནུས་སོ།། ངས་བསྟན་པར་ནི་དཀའོ།། མ་ནུ་པ་ལ། སརྦ་ཏ་ཐཱ་ག
181b3 ཏ། པཉྩ་ཛྙཱ་ན། དྷ་ཐིམ་དྷ་ཐིམ་དྷ་ཐིམ་ཞེས་བཀའ་སྩལ་ནས། ལེགས་སོ་ལེགས་སོ།། སེམས་ཅན་ཐམས་ཅད་མ་རིག་པ་མེད་དོ།། མ་རིག་པ་ཟད་པ་ཡང་མེད་དོ།། ཞེས་དབང་བསྐུར་ནས། མཁའ་འགྲོ་མ་དང་གཉིས
181b4 སུ་མེད་པར་མི་སྣང་བའི་ཡེ་ཤེས་ཀྱི་ངང་ལ་གཤེགས་སོ།། སརྦ་ཏ་ཐཱ་ག་ཏ། པཉྩ་མཱུ་དྲ་ཨ། དེ་ནས་བྱང་ཆུབ་སེམས་དཔའ་རིག་པ་འཛིན་པས། དེ་བཞིན་དུ་གདམས་སོ།། པདྨ་འཁྱིལ་པའི་རྒྱུད་ལས། རིན་པོ་ཆེའི
181b5 སྒྲོམ་བུའི་ལེའུ་སྟེ་བཅུ་བཞི་པའོ།། །། དེ་ནས་ཡང་བཅོམ་ལྡན་འདས་སྟོན་པ་རྡོ་རྗེ་འཆང་ཆེན་པོས། ལུང་གསེར་གྱི་ཕུར་པ་འདི་གསུངས་སོ།། མ་འཁྲུལ་པའི་སངས་རྒྱས། མ་བྱས་པའི་ཆོས། མི་འགྱུར་བའི
181b6 བལྟ་བ། དང་པོར་སངས་རྒྱས་ཉག་གཅིག་འཁྲུལ། དེ་སྣང་བ་ལས་འཁྲུལ། དང་པོར་ཡང་འཁྲུལ་མ་མྱོང་། བར་དུ་ཡང་མི་སྲིད་པ། ཐ་མར་ཡང་འཁྲུལ་པར་མི་འགྱུར་རོ།། དེ་ལ་བསྒོམ་དུ་ཡང་མེད། ཡེངས་སུ་ཡང
iiif viewer powered by OpenSeadragon
