| e-texts navigator |
| Wylie |
178b1 གང་ཡང་མི་བསྔོ་སུ་ལ་བསྔོ།། ཆོ་ག་ལ་སོགས་འཁྲུལ་པའི་ལས་རྣམས་སྤྱད་མི་བྱ།། རྫོགས་པ་ཆེན་པོའི་རང་བཞིན་ཀུན་གྱི་སྙིང་པོ་ཡིན་ཏེ་འདི་ལ་ཅི་ཡང་མེད།། ཕུག་ཏུ་འདུག་ལ་བསྒོམ་པར་མི་བྱ་རྡོ་རྗེ་ལྟ་བུའི་ཆོས
178b2 ཉིད་དེ་ལ་བསྒོམ་དུ་མེད།། དཔེར་ན་རི་རབ་རྩེ་ལ་ཉི་ཤར་བས།། ཡེ་ཤེས་ཐུགས་ལ་ཉི་མ་གཅིག་ཤར་སྤྱོད།། སྒོམ་ཆེན་རྒས་པའི་དུས་སུ་རྩོལ་བའི་ནད་དང་བྲལ།། སྟོང་གསུམ་ཉུང་འབྲུར་ཆུད་ན་འཁོར་བ་རྒྱ
178b3 ཡིས་ཐེབས།། ཆོས་ཀྱི་སྐུ་ཡེ་ཤེས་ལྷག་མ་མེད་པར་རྫོགས་པའི་དུས་ན། སྒྲིབ་པ་ཡང་ལྷག་མ་མེད་པར་འབྱང་ངོ་ཞེས་རྡོ་རྗེ་འཆང་ཉིད་ཀྱིས་གསུངས་སོ།། པདྨ་འཁྱིལ་པའི་རྒྱུད་ལས། གེགས་བསལ་ཅིང་ལ་བཅད་དེ
178b4 བལྟ་བ་ཁ་འབྱམས་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས། ཐུགས་ཀྱི་དཀྱིལ་འཁོར་གསང་བའི་སྒོ་ཕྱེ་ནས། གསང་སྐོར་མན་ངག་སྒྲོན་མ་འགྲོ་བའི་ཆེད་དུ
178b5 གསུངས་སོ།། ང་ཡི་གསང་བ་མན་ངག་འདི།། རིག་པ་འཛིན་པས་ནན་རྒྱས་ཐོབ།། ཕྱི་རབས་རྣམས་ལ་རྟོགས་བྱའི་ཕྱིར།། རྒྱུད་རྒྱས་བཏབ་ལ་བསྟན་པར་བྱ།། དམ་མེད་ཀུན་ལ་གསང་དོན་དུ།། མནའ་རྒྱ་བྱས་ལ
178b6 གསང་བར་བྱ།། ལེགས་པར་བཀའ་དང་མཐུན་པས་ན།། ཐུགས་ཀྱི་གཏེར་དུ་སྦས་རྒྱ་བྱ།། བཀའ་བསྲུངས་བྱ་ར་བྱེད་པས་ན།། དེ་ལ་གཏད་རྒྱ་བྱས་ལ་གཏད།། རྒྱ་ལྔས་བཏབ་པའི་མན་ངག་འདི།། ཤིན་ཏུ་ཟབ་པར
iiif viewer powered by OpenSeadragon
