| e-texts navigator |
| Wylie |
178a1 པར་ཐག་ཆོད་དོ།། ཡི་གེ་མེད་པའི་རྒྱུད་བསྒོམ་དུ་མེད་པའི་ལུང་། རེ་བ་མེད་པའི་བལྟ་བ། མ་བཀག་པའི་སྤྱོད་པ། མ་བསགས་པའི་ཚོགས། མ་སྦྱངས་པའི་སྒྲིབ་པ། རྒན་མོ་མཛུབ་ཚུགས་ཀྱི་མན་ངག
178a2 ཤེས་རབ་སྒྲོན་མས་ལྟོས་ཤིག། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་བལྟ་བའི་ལ་བཟླ་བ་འདི་གསུངས་སོ།། བྱང་ཆུབ་འདོད་ན་སྡིག་པའི་ལས་རྣམས་ཆེར་སྤྱོད་དེ། དོན་བློ་ལ་བཞག། གང་ཡང་སྙིང་རྗེས
178a3 མི་བཟུང་སུ་ཡང་སྙིང་རྗེ་བ་ནི་གང་ཡང་མེད།། ཅི་སྟེ་སྲོག་བཅད་སྡིག་ཏུ་འགྲོ་ན་ཡེ་ནས་ཆད་པ་སུ་ལ་སྡིགས།། སྙིང་རྗེས་བྱང་ཆུབ་རླན་དུ་མི་སྟེར་སྙིང་རྗེས་སུ་ལ་བཟུང་།། གང་ལ་འཛིན་པ་ཡོད་པ་དེ་ལ་ལྷག་པའི
178a4 བསམ་པ་ཡོད་ཀྱང་སྡིགས།། ཏིང་ངེ་འཛིན་རྟོག་ཁང་འགྲམ་གཏིང་ཚུགས་མེད་པ་བྱང་ཆུབ་བདེ་བའི་ཤག། རྒྱལ་བ་མི་མཆོད་སངས་རྒྱས་མི་བསྒྲུབ་ཐར་པའི་ལམ་མི་འདོད་པ་དེ། ཁབ་ལེན་རྡོ་ལ་ལྕགས་འདུའི་ཚུལ
178a5 དུ་ཚོགས་གཉིས་བསག་མི་དགོས་པར་འདུ།། མཆོད་རྟེན་ལྷ་ཁང་ལ་སོགས་འདུས་བྱས་དགེ་བ་མི་བྱ་བཏང་སྙོམས་བཞག། བྱས་ལ་སོགས་པའི་ལས་ནི་བྱས་པས་མི་ཟིན་བྱས་ཤིང་རྟོག་པའི་རྒྱུ།། ཡུལ་དང་དབང་པོ
178a6 ངག་སོགས་བསྡུ་མི་བྱ་སྟེ་དེ་བཞིན་གཞག་པར་བྱ།། བྱ་དང་བྲལ་བའི་སྤྱོད་པ་འདི་ཉིད་དང་དུ་ལེན་པ་ཡང་མེད་དོ།། རྡོ་རྗེ་མི་འཆང་སྔགས་མི་འཆང་ཞིང་དབེན་པར་འདུས་མི་བྱ།། མཆོད་གཏོར་སྦྱིན་པའི་ཕྱོགས་ནི
iiif viewer powered by OpenSeadragon
